وسىدان ءبىراز ۋاقىت بۇرىن نيۋ-يورك قالاسىندا تەراكت جاساعان 29 جاستاعى وزبەك سايفۋللو سايپوۆ جانتۇرشىگەرلىك مالىمدەمە جاسادى، — دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
سايفۋللو سايپوۆ قاماۋدا بولعان كەزدە وزىنە بەرىلگەن قۇقىقتان باس تارتقان. زاڭ بويىنشا قىلمىسكەر قورعاۋشى بولماعان كەزدە ۇندەمەۋگە قۇقىعى بار. ونىڭ بولعان ىسكە قاتىستى ايتقاندارى سوتتا وزىنە قارسى قولدانىلادى.
تەرروريستىڭ ايتۋىنشا، ول تەراكتىنى وسىدان 2 اي بۇرىن جاساۋ كەرەك بولعان. سونىمەن بىرگە ول دايش تۋرالى ۆيدەولاردى كورىپ، ۇنەمى جىگەرلەنىپ وتىرعان. ونىڭ تەلەفونىنان 90 تەرروريزمگە شاقىراتىن ۆيدەو مەن 3800-گە جۋىق سۋرەتتەر تابىلدى. ول ءوزىنىڭ ىسىنە ەشقاشان وكىنبەيتىنىن مالىمدەگەن.
