الماتىدا كولىك رەفورماسى جانە قوعامدىق كولىك جۇيەسىن تۇراقتاندىرۋ اياسىندا جىلجىمالى سوستاۆتى جاڭالاۋ جۇمىستارى جۇرۋدە. وزگە تاسىمالداۋشىلار سياقتى «اۆتو الما ترانس» ج ش س ەۆرو-5 ەكولوگيالىق سىنىپتى جاڭا اۆتوبۋستار الدى. الماتى اكىمى باۋىرجان بايبەك بۇگىنەن باستاپ №65 باعىتى بويىنشا قىزمەت كورسەتەتىن جاڭا اۆتوبۋستاردى قاراپ شىققان بولاتىن، دەپ حابارلايدى  Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

«اۆتوالما ترانس» ءجشس-ى باس ديرەكتورىنىڭ ورىنباسارى قانات نۇرلىبەكوۆ ەڭ الدىمەن №65 باعىت جاڭا كولىككە الماستىرىلعانىن، ويتكەنى، وسى باعىت بويىنشا تۇرىعنداردان كوپ شاعىم تۇسكەنىن ايتتى.

«بۇگىنگى كۇنى ءبىزدىڭ اۆتوپاركتە 10 باعىت بويىنشا 150 كولىك بىرلىگى بار. جىل اياعىنا دەيىن ءبىز تاعى دا 44 جاڭا اۆتوبۋس لامىز، 2018 جىلدىڭ ءبىرىنشى توقسانىندا جاڭا اۆتوبۋستار سانىن 112-گە دەيىن جەتكىزەمىز. جيناقتالعان ينۆەستيسيا 4 ملرد. تەڭگەنى قۇرايدى»، - دەدى ق.نۇرلىبەكوۆ.

تاسىمالداۋشى سىيىمدىلىعى 70 ادامداي بولاتىن ەۆرو-5 ەكولوگيالىق سىنىپتاعى Yutong ماركالى اۆتوبۋستاردى الدى. اۆتوپارك وكىلىنىڭ ايتۋىنشا، «وناي» ەلەكتروندى بيلەتى جانە سارالانعان ءتاريفتىڭ ارقاسىندا جولاۋشى لەگىن مەن ءار باعىت بويىنشا قانشا تابىس تۇسەتىندىگى بەلگىلى بولۋدا ءارى اكىمدىكتىڭ سۋبسيديالىق قولداۋى بارىسىندا جاڭا اۆتوبۋستار الۋعا مۇمكىندىك تۋۋدا.

الماتىدا كولىك رەفورماسى جانە قوعامدىق كولىك جۇيەسىن تۇراقتاندىرۋ اياسىندا جىلجىمالى سوستاۆتى جاڭالاۋ جۇمىستارى جۇرۋدە. الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ اقپاراتى بويىنشا وتكەن اپتادا №103 باعىتى بويىنشا 12 مەترلى تومەن ەدەندى 20 اۆتوبۋس جولعا شىعىپتى. جەتى كۇن ىشىندە 1،8 ملن. تەڭگە ترانزاكسيالانىپ، جولاۋشىلەگى وتكەن كەزەڭدەرمەن سالىستىرعاندا 3 ەسە وسكەن، كولىك جيىلىگى 100%-عا جەتكەن.

«الماتىەلەكتروترانس»ج ش س ساتىپ الاتىن 297 كولىكتىڭ 20 اۆتوبۋسى بيىل كەلدى، قالعاندارى ەكى اي ىشىندە كەزەڭ بويىنشا جەتكىزىلەتىن بولادى.

بۇلاردان وزگە، جەكە تاسىمالداۋشىلار سىيىمدىلىعى ءارتۇرلى 254 اۆتوبۋس الۋدى جوسپارلاپ وتىر. «باتۋ تريەۆەل» ج ش س، «اۆتوالما-ترانس»ج ش س، «مادينا»ج ش س، «تالاپت»ج ش س، «سامات ترانس» ج ش س، «Green bus company»ج ش س سىندى اسىمالداۋشى- كومپانيالار العان كولىكتەر كەستە بويىنشا كەلە باستادى.

«Green bus company» ج ش س بۇرىندارى Yutong ماركالى 50 جاڭا اۆتوبۋس العان بولاتىن، ولار قازىرگى كەزدە №50،112،126 باعىتتارى بويىنشا ساپالى قىزمەت كورسەتۋدە. ءبىر اپتا ىشىندە №112 باعىتتاعى جاڭا اۆتوبۋستاردا جولاۋشى لەگى ەكى ەسە ءوستى.