مەدەۋ قوناقتارى كونكيمەن سىرعاناۋدى وسى جەكسەنبى كۇنى تەگىن ۇيرەنە الادى.

قاراشانىڭ 5- ءى كۇنى «مەدەۋ» مۇز ايدىنىڭدا «سپورتتىق الماتى» باعدارلاماسى اياسىندا كونكيمەن سىرعاناۋدى تەگىن ۇيرەتۋ ساباقتارى وتكىزىلەدى. 

20-عا جۋىق تاجىريبەلى جاتتىقتىرۋشىلار كەز كەلگەن «مەدەۋ» قوناقتارىن ساعات 19:00-دەن 21:00-گە دەيىن اپتانىڭ ءار سەنبىسى نەمەسە جەكسەنبىسىندە تەگىن ۇيرەتەتىن بولادى. سونىمەن قاتار، قوناقتارعا جوبانى ۇيىمداستىرۋشىلار كوپتەگەن سىيلىقتار تابىستاپ، كونسەرتتىك باعدارلامالار وتكىزىلەتىنىن حابارلايدى. 

— كونكي تەبۋدى ۇيرەنگىسى كەلىپ جۇرگەندەر كوپ بولدى. كوبىنەسە كىشكەنتاي بالالارمەن قىزدارعا كومەك كورسەتتىم. ناتيجە جامان ەمەس، — دەدى نۇسقاۋشى ولجاس مىنبايەۆ.

ايتا كەتەر جايت، بيلەتتەر مەن كونكيدى جالعا الۋ مەدەۋدەگى پرەيسكۋرانتكا سايكەس بەرىلەدى. بۇل كونكيمەن سىرعاناۋعا اقىسىز تۇردە ۇيرەتۋ ساباقتارى جەلتوقاساننىڭ 24ء-ى دەيىن جالعاسىپ، كەلەسى جىلدىڭ قانتارىندا قايتا ىسكە قوسىلادى. 

— مەن كونكي تەبۋدى ۇمىتىپ قالىپپىن، نۇسقاۋشىلاردىڭ كومەگىنە جۇگىنىپ، ءبىراز نارسەنى ۇيرەندىم. ولارعا العىس بىلدىرەمىن. بۇل جەردە كونكي تەبە الماي جۇرگەندەر وتە كوپ، سوندىقتان نۇسقاۋشىلاردىڭ بولعاندارى وتە ءدۇرىس، — دەدى بالعىن سەرىكبايەۆا.

سپورتتىق شارانىڭ باستى ماقساتى قالاداعى بۇقارالىق سپورت تۇرلەرىن دامىتىپ، قالا تۇرعىندارى مەن قوناقتارىن سالاۋاتتى ءومىر سالتىن ءۇستانۋعا شاقىرتۋ بولىپ تابىلادى. اكسيا «سپورتتىك الماتى» باعدارلاماسىنا بيىلعى جىلدىڭ 25ء-شى اقپانىندا قوسىلعان بولاتىن. 

«سپورتتىق الماتى» باعدارلاماسى قالاداعى بۇقارالىق سپورتتى دامىتۋ ماقساتىندا جۇزەگە اسىرىلعان. 

"سپورتتىق الماتى" باعدارلاماسى جاپپاي سپورت ءتۇرىن دامىتۋعا، بەلسەندى سپورتتىق دەمالىستى ناسيحاتتاۋعا باعىتتالعان.