ەكىنشى ERG يننوۆاتورلار فورۋمىنىڭ قاتىسۋشىلارى كونفەرەنس-زالدىڭ اۋماعىنان شىقپاي-اق، بارلىق ينفراقۇرىلىمى تولىقتاي كورسەتىلگەن، شىنايى دەپ اتاۋعا كەلەتىن سوكولوۆ-سارىباي كەن ورنىنىڭ قورجىنكول كارەرىنىڭ ۆيرتۋالدى مودەلىنە «ساياحات» جاسادى. وسىنداي ەرەكشە ءادىستىڭ كومەگىمەن قويىلىپ وتىرعان مىندەتتەردى شەشۋ، ونىدىرىستەگى جاڭا شەشىمدەردى ەنگىزۋ جانە ناتيجەنى كورنەكى جولمەن باقىلاۋ ۇسىنىلدى،-دەپ جازادى Qamshy.kz اقپارات اگەنتتىگى.
«بۇل تەك ءبىزدىڭ كومپانيانىڭ عانا ەمەس، قورىقپاي، باتىل تۇردە ايتا الامىن، بۇكىل ەلدىڭ تاريحى ءۇشىن تولىقتاي جاڭا ترەنينگ بولىپ وتىر. وسى شارا ءۇشىن ءبىز قولدانعان تەحنولوگيالار، ياعني تولىقتىرىلعان شىنايىلىق كوزىلدىرىگى قىزمەتكەرلەردى وقىتۋدىڭ جاڭا پروسەسىن يگەرۋدەگى العاشقى قادام بولادى دەپ ۇمىتتەنەمىز»، - دەيدى ەۋرازيالىق توپتىڭ وپەراسيالىق تيىمدىلىك جونىندەگى ديرەكتورى الەكساندر سوروكين.
ەكىنشى ERG يننوۆاتورلار فورۋمىنىڭ ۇيىمداستىرۋشىلارى تەوريامەن شەكتەلمەي، جاڭا تەحنولوگيالاردىڭ مۇمكىندىگىن ءىس جۇزىندە دە كورسەتۋدى ۇيعارىپتى. ۆيرتۋالدى كارەر – ءتورتىنشى وندىرىستىك ريەۆوليۋسيا الىپ كەلەتىن ازداعان مۇمكىندىكتەردىڭ ءبىرى.
ءتورتىنشى وندىرىستىك ريەۆوليۋسيانىڭ تاۋ-كەن سەكتورى ءۇشىن نە بەرەتىنى جانە قانداي بولاشاق كۇتىپ تۇرعانى فورۋمنىڭ باستى تاقىرىبىنا اينالدى.
«بۇگىن ءبىز بارلىق جەردە سيفرلاندىرۋ، روبوتتاندىرۋ، جاساندى سانا، يندۋستريا 4.0 تۋرالى ەستيمىز، بۇل وزەكتى ماسەلە، ۋاقىتتىڭ تالابى جانە ەلىمىز ءۇشىن دە، ءبىزدىڭ يندۋستريا ءۇشىن دە ۇلكەن ماڭىزعا يە»، - دەپ اتاپ ءوتتى فورۋمنىڭ پانەلدى سەسسياسىندا ءسوز العان ينۆەستيسيالار جانە دامۋ جونىندەگى ءبىرىنشى ۆيسە-مينيستر اليك ايداربايەۆ.
بۇل – فورۋمدا تانىستىرىلعان كوپتەگەن پراكتيكالىق مۇمكىندىكتەردىڭ ءبىرى عانا. ءبىرىنشى رەت اتالعان شارا اياسىندا قالا ماسەلەلەرىن شەشۋ بويىنشا ەۋرازيالىق توپ قىزمەتكەرلەرىنىڭ يدەياسىن جيناعان الەۋمەتتىك جاڭاشىلدىقتىڭ بايقاۋى ءوتتى. «Hackathon: upgrade» قاتىسۋشىلارى بۇل جىلى ناقتى وندىرىستىك نىساندى وڭتايلاندىرۋ ءۇشىن جۇمىس ىستەدى. ءارى كوڭىل كوتەرەتىن، ءارى پايدالى دۇنيە رەتىندە قاتىسۋشىلارعا تۇڭعىش ERGigitGo! كورپوراتيۆتىك ءموبيلدى ويىنى تەستىلەۋگە ۇسىنىلدى. اتاقتى پوكەمون ويىنىنداعىداي ويىنشىلار ERG قىزمەتكەرلەرىنىڭ ورتاق بەينەسى رەتىندەى انيماسيالىق كەيىپكەر ەرجىگىتتى ىزدەدى. ەڭ اقىلدى ءارى ەپتى قاتىسۋشىعا ەستەلىك سىيلىق جانە ەرجىگىتپەن فوتو بۇيىردى.
بارلىعى فورۋم اياسىندا 50 شاقتى يننوۆاسيالىق جوبا تانىستىرىلدى، بۇل ءبىرىنشى ERG يننوۆاتورلار فورۋمىنداعى كورسەتكىشپەن سالىستىرعاندا 2،5 ەسە ارتىق.
