تەحاستا بولعان اتىس كەزىندە زارداپ شەككەندەردىڭ اراسىندا قازاقستاندىقتار جوق. بۇل تۋرالى ق ر ءسىم باسپا ءسوز قىزمەتىنىڭ جەتەكشىسى ءانۋار جايناق مالىمدەدى، دەپ حابارلايدى Qamshy.kz اقپارات اگەنتتىگىنىڭ ءتىلشىسى.

ايتا كەتەيىك، تەحاستاعى باپتيستتىك شىركەۋدە اتىس كەزىندە 27 ادام قازا تاپقان بولاتىن. اتىستى اقش-تىڭ اۋە كۇشتەرىندە قىزمەت ەتكەن 26 جاستاعى ديەۆين كەللي جاساعان.

قىلمىسكەر شىركەۋدەن شىققاندا وعان جەرگىلىكتى تۇرعىندار وق اتا باستاعان. كەيىنىرەك قىلمىسكەر اۆتوكولىگىندە ءولى كۇيىندە تابىلدى.

تەحاستاعى شىركەۋدە ورىن العان اتىستى ترامپ «زورلىق-زومبىلىقتىڭ ماعىناسىز ارەكەتى» دەپ اتادى. قاندى قىرعىنعا بايلانىستى اق ۇيدە جانە بارلىق مەملەكەتتىك عيماراتتاردا، اسكەري بازالاردا، اقش-تىڭ فەدەرالدى ۇكىمەتىنىڭ كەمەلەرىندە، ەلشىلىكتەر مەن وكىلدىكتەردە تۋلار تومەن تۇسىرىلەدى.

اقش-تاعى بۇل وقيعا رەسمي ازا تۇتۋ بولىپ سانالادى.