The New York Times گازەتى ەر-ريادتاعى "ريتس كارلتون" قوناق ۇيىندە جەمقورلىقپەن ۇستالعان ساۋديالىق حانزادالار مەن شەنەۋنىكتەردىڭ جەردە جاتقان ۆيدەوسىن جاريالادى دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ.

كادردان قوناق ءۇيدىڭ كىرە بەرىسىندە ەدەندە بىرنەشە ادامنىڭ ۇيىقتاپ جاتقانىن كورۋگە بولادى. پارا الدى دەگەن كۇدىكپەن ۇستالعان جوعارى شەندىلەرگە ەلدەن شىعۋعا تىيىم سالىنىپ، شوتتاعى اقشاسى بۇعاتتالدى.

ۆيدەو دۇيسەنبى كۇنى تاڭ ەرتەڭ تۇسىرىلگەن. ونى كۇزەتشىلەر تۇسىرگەن بولۋى مۇمكىن. ۆيدەودان قارا فورما كيگەن ادامداردى كورۋگە بولادى. ال بۇرىشتا اۆتومات تۇر.

جۋرناليستەر "ريتس كارلتون" قوناق ۇيىنە 16-شى قاراشاعا دەيىن تىركەلۋ مۇمكىن ەمەس ەكەنىن انىقتاعان.

4ء-شى قاراشادا ساۋد ارابيا كورولى سالمان بەن ابدەل ازيز ال ساۋد جەمقورلىقپەن كۇرەستىڭ باستالعانىن حابارلاپ، جوعارى كوميتەت قۇرۋعا تاپسىرما بەردى. ونى حانزادا مۋحاممەد بەن سالمان باسقارادى.

كەلەسى كۇنى 11 حانزادا جانە 4 مينيستر مەن بۇرىنعى ونشاقتى مينيستر ۇستالدى. ولاردىڭ اراسىندا – كورولدىڭ جيەنى، ميللياردەر، جەر بەتىندەگى ەڭ باي ادامداردىڭ ءبىرى حانزادا ال-ۆاليد، ەكونوميكا ءمينيسترى، حانزادا ادەل فاكيح، ۇلتتىق گۆارديا مينيسترلىگى ميتاب بەن ابداللا بەن ابدەل ازيز ال ساۋد حانزادا جانە ت.ب.

اقش پرەزيدەنتى دونالد ترامپ Twitter پاراقشاسىنا كورولدى قولدايتىنىن جازدى. ۇستالعانداردىڭ كەيبىرى جىلدار بويى ەلدى توناپ كەلگەنىن ايتادى.