استانا قالاسىندا قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ ۇيىمداستىرۋىمەن قوعامدىق كەڭەستەردىڭ 1ء-شى رەسپۋبليكالىق ءماجىلىسى ءوز جۇمىسىن باستادى دەپ حابارلايدى Qamshy.kz اقپارات اگەنتتىگى. 

            اتالعان شارانىڭ ماقساتى - قوعامدىق كەڭەستەردىڭ قىزمەتىن جەتىلدىرۋ بويىنشا ۇسىنىستار ازىرلەۋ، جانە وسى باعىتتا وڭ تاجىريبەلەرىمەن الماسۋ سونداي-اق، قوعامدىق كەڭەستەر مەن مەملەكەتتىك ورگانداردىڭ اراسىنداعى ىنتىماقتاستىقتى ودان ءارى دامىتۋدىڭ تەتىكتەرى مەن باعىتتارىن انىقتاۋ بولىپ تابىلادى. 

            ءىس-شارا اياسىندا «قوعامدىق كەڭەستەر: ىس-تاجىريبە جانە مەملەكەت پەن قوعامنىڭ ءوزارا ارەكەتتەسۋ تەتىكتەرى» تاقىرىبىندا پلەنارلىق وتىرىس ءوتتى. ونىڭ جۇمىسىنا ق ر پارلامەنتى سەناتىنىڭ ءتوراعاسىنىڭ ورىنباسارى بەكتاس بەكنازاروۆ، ق ر پرەمەر-مينيسترىنىڭ ورىنباسارى ەربولات دوسايەۆ، ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ، بۇۇ دامۋ باعدارلاماسىنىڭ تۇراقتى وكىلى مۋنحتۋي التانگەرەل قاتىستى.

            2016 جىلى «100 ناقتى قادام» ۇلت جوسپارىن  ىسكە اسىرۋ شەڭبەرىندە مەملەكەتتىك ورگاندار مەن ازاماتتىق قوعام اراسىنداعى ديالوگتىڭ نىسانى رەتىندە قوعامدىق كەڭەستەر قۇرىلدى. بۇل مەملەكەتتىك ەمەس ۇيىمدار ۇكىمەتتىك شەشىمدەردى قابىلداۋدىڭ اشىقتىعىن ارتتىرۋعا ارنالعان كونسۋلتاتيۆتىك، كونسۋلتاسيالىق، باقىلاۋشى ورگاندار بولىپ تابىلادى.           

قازاقستاندا رەسپۋبليكالىق جانە جەرگىلىكتى دەڭگەيدە 229 قوعامدىق كەڭەس ءوز قىزمەتىن جۇزەگە اسىرۋدا  (ولاردىڭ 16-ى رەسپۋبليكالىق دەڭگەيدە، 213ء-ى وڭىرلىك دەڭگەيدە جۇمىس ىستەيدى). ەلىمىز بويىنشا قوعامدىق كەڭەستەردىڭ قۇرامىنا 4 055 ادام مۇشە، ونىڭ 818ء-ى ۇكىمەتتىك ەمەس ۇيىمداردىڭ وكىلدەرى.

قوعامدىق كەڭەستەر قۇرىلعالى بەرى جالپى سانى  213 وبلىس، قالا جانە  اۋدان  اكىمدەرىنىڭ، 16 ورتالىق جانە 1300-دەن اسا جەرگىلىكتى اتقارۋشى ورگاندار باسشىلارىنىڭ ەسەپتەرى تىڭدالدى. قوعامدىق كەڭەستەردە  600-دەن استام وزەكتى ماسەلەلەر قوعامدىق تىڭداۋلاردان ءوتتى.  سونداي-اق، 9 مىڭنان استام نورماتيۆتى-اكتىلەر جوبالارىنا  ۇسىنىستار ەنگىزىلدى.

«كەڭەستەردىڭ قىزمەتى ەسەپ بەرەتىن جانە اشىق مەملەكەت قالىپتاستىرۋ ۇدەرىسىنە وڭ اسەرىن تيگىزدى جانە مىڭداعان بەلسەندى ازاماتتارعا ەلدىڭ قوعامدىق ومىرىنە بەلسەندى قاتىسۋعا مۇمكىندىك بەردى»، - دەپ اتاپ ءوتتى ءدىن ىستەرى جانە ازاماتتىق قوعام ءمينيسترى ن. ەرمەكبايەۆ.  

قوعامدىق كەڭەستەردىڭ ءماجىلىسى بارىسىندا قوعامدىق كەڭەستەردىڭ قازىرگى ۋاقىتتاعى  مارتەبەسىن كوتەرۋ، ءماسليحاتتاردىڭ قىزمەتىنە ۇقساس قوعامدىق كەڭەستەردىڭ فۋنكسيالارىن جويۋ ءۇشىن كەڭەستىڭ وكىلەتتىكتەرىن وزگەرتۋ، كەڭەستەر جۇمىسىندا مەملەكەتتىك ورگاندار مۇشەلەرىنىڭ وكىلدىك دەڭگەيىن تومەندەتۋ سياقتى ءبىرقاتار وزەكتى ماسەلەلەر كوتەرىلدى.  

قوعامدىق كەڭەستەردىڭ رەسپۋبليكالىق ءماجىلىسى اتالعان كەڭەس جۇمىسىن جەتىلدىرۋ ماقساتىندا  حالىقپەن بۇقارالىق اقپارات قۇرالدارىنىڭ ءوزارا ءىس-قيمىلىن نىعايتۋ،  جۇمىس تيىمدىلىگىن دامىتۋ، وڭتايلى تاجىريبەلەردى تالقىلاۋ تاقىرىپتارىندا  پانەلدىك پىكىرتالاستار مەن سەمينارلار وتكىزىلدى.

            ءىس-شاراعا قوعامدىق كەڭەستەردىڭ، ساراپشىلار قاۋىمداستىعىنىڭ، ۇكىمەتتىك ەمەس ۇيىمداردىڭ وكىلدەرى، سونداي-اق،  مەملەكەتتىك ورگانداردىڭ جانە حالىقارالىق ۇيىمداردىڭ باسشىلارى، جالپى سانى  500 دەلەگات قاتىستى.

           ايتا كەتكەن ءجون قوعامدىق كەڭەستەر ءماجىلىسىنىڭ قورىتىندىسى بويىنشا قاتىسۋشىلاردىڭ ناقتى شەشىمدەرى مەن ۇسىنىستارى نەگىزىندە ارنايى قارار قابىلداناتىن بولادى.