عالامشار ءۇشىنشى دۇنيەجۇزىلىك سوعىستىڭ الدىندا تۇر. حالىقارالىق تەرروريزم كەڭ ەتەك جايدى. ونىڭ سالدارى وتە اۋىر. مۇنى قازاقستان پرەزيدەنتى نۇرسۇلتان نازاربايەۆ Astana club-تىڭ ءۇشىنشى وتىرىسىندا ايتتى دەپ حابارلايدى Qamshy.kz اقپارات اگەنتتىگى Caravan.kz-كە سىلتەمە جاساپ.

قازىرگى تاڭدا الەمنىڭ كەز كەلگەن نۇكتەسىنە سوققى جاسالۋى مۇمكىن. تەراكت تەك دامۋشى ەلدەردە عانا ەمەس، دامىعان ەلدەردە دە بولاتىن بولدى.

— ءۇشىنشى مىڭجىلدىق باستالعالى بەرى لاڭكەستىك ارەكەتتەر مەن مەن تەرروريستەردىڭ قولىنان قازا تاپقانداردىڭ سانى 10 ەسەگە ءوستى. 2016 جىلى 104 ەلدە تەراكت بولدى. بۇل – الەمنىڭ جارتىسى. الەم تەرروريزمگە قارسى ءۇشىنشى دۇنيەجۇزىلىك سوعىستىڭ الدىندا تۇر، دەدى نۇرسۇلتان نازاربايەۆ.

ايتا كەتەيىك، تۇركيا، چەحيا، سلوۆەنيا ەلىنىڭ بەلگىلى ساياساتكەرلەرى، ديپلوماتتارى، عالىمدارى جانە بۇرىنعى پرەزيدەنتتەرى اقش ساياساتى مەن انتيرەسەيلىك سانكسيالاردىڭ وسۋىنە قاتىستى ەۋرازيا قۇرىلىعىنىڭ بولاشاعى تۋرالى سويلەستى.