مەككە گۋبەرناتورىنىڭ ورىنباسارى، حانزادا ابدۋللا بين بادار بين ابدۋلازيز ءال-حارام مەشىتىنە كەلىپ، ءزام-زام سۋى قۇدىعىن جوندەۋ جۇمىستارىمەن تانىستى، — دەپ حابارلايدى Qamshy.kz اقپارات اگەنتتىگى kazislam.kz سايتىنا سىلتەمە جاساي وتىرىپ.

حانزادا ابدۋللا جوندەۋ جۇمىستارى جوباسىنا جاۋاپتى ينجەنەرلەرمەن سويلەستى. ولار قازىرگى ۋاقىتتا ءال-حارامنىڭ شىعىس تاراپىنان كەلەتىن بەس قىزمەتتىك كوپىردى تۇرعىزۋ جۇمىستارى اياقتالىپ قالعانىن جەتكىزدى.

مامانداردىڭ ايتۋىنشا، قايتا جوندەلگەن ءزام-زام قۇدىقتارى جىل سايىن قاتارى كوبەيىپ كەلە جاتقان قاجىلاردى ءزام-زام سۋىمەن قامتاماسىز ەتۋگە مۇمكىندىك بەرەدى. سونىمەن قاتار، جوبا سۋدى ساقتاۋ، ءوندىرۋ جانە ءتيىمدى تاراتۋ جۇيەسىن جاڭعىرتۋعا جول اشادى. ابدۋللا حانزادا جوندەۋ جۇمىستارىن جۇرگىزۋ كەزىندە قاجىلاردىڭ قاۋىپسىزدىگىن ساقتاۋ بويىنشا مەشىت جانىنداعى قىزمەتتى كۇشەيتۋدى ۇيلەستىرۋ ماسەلەسىن كوتەردى.