كەزدەسۋدە نۇرسۇلتان نازاربايەۆقا ەلىمىزدىڭ قارۋلى كۇشتەرىنىڭ قازىرگى جاعدايى جانە مينيسترلىكتىڭ بيىلعى جۇمىس جوسپارىنىڭ ىسكە اسىرىلۋ بارىسى جونىندە ەسەپ بەرىلدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساي وتىرىپ.
قازاقستان پرەزيدەنتى اسكەري قىزمەتشىلەردى الەۋمەتتىك تۇرعىدا قامتاماسىز ەتۋ شارالارىنىڭ جۇزەگە اسىرىلۋىنا ەرەكشە نازار اۋدارىپ، وسى باعىتتاعى جۇمىستاردى جالعاستىرۋدىڭ ماڭىزدىلىعىن اتاپ ءوتتى.
قورعانىس ءمينيسترى مەملەكەت باسشىسىنا ەڭبەكاقىنى كوبەيتۋ جونىندە شەشىم قابىلداعانى ءۇشىن اسكەري قىزمەتشىلەردىڭ ريزاشىلىعىن جەتكىزدى.
بۇدان بولەك، ساكەن جاسۇزاقوۆ ەلباسىعا جالدامالى ءتۇرعىن-ۇي مەن ءتۇرعىن-ۇي قۇرىلىس جيناق جۇيەسىنىڭ تەتىكتەرىن پايدالانۋ ارقىلى اسكەري قىزمەتشىلەردىڭ ءتۇرعىن-ۇي ماسەلەسىن شەشۋگە باعىتتالعان شارالار جونىندە مالىمدەدى.
سونداي-اق، قورعانىس ءمينيسترى مەملەكەت باسشىسىنا قازاقستان ارمياسىن ماتەريالدىق-تەحنيكالىق تۇرعىدا جابدىقتاۋ جانە 2017 جىلى ەل جاستارىن اسكەري-پاتريوتتىق رۋحتا تاربيەلەۋ باعىتىندا اتقارىلعان جۇمىستار جونىندە مالىمەت ۇسىندى.
كەزدەسۋ قورىتىندىسى بويىنشا قازاقستان پرەزيدەنتى ءبىرقاتار ناقتى تاپسىرما بەردى.
