ق ر پارلامەنتى سەناتى حالىقارالىق قاتىناستار، قورعانىس جانە قاۋپسىزدىك كوميتەتىنىڭ حاتشىسى دارحان كالەتايەۆ جانە ەكونوميكالىق ساياسات، يننوۆاسيالىق دامۋ جانە كاسىپكەرىلىك كوميتەتىنىڭ مۇشەسى ماناپ كوبەنوۆ ىستانبۇلداعى ازيا پارلامەنتتىك اسسامبلەياسىنىڭ 10-شى وتىرىسىنا قاتىسۋدا، دەپ جازادى Qamshy.kz اقپارات اگەنتتىگى.
بۇل تۋرالى جوعارعى پالاتانىڭ باسپا ءسوز قىزمەتى حابارلايدى.
كەزدەسۋ «ازياداعى بەيبىتشىلىك پەن دامۋ» تاقىرىبىمەن ءوتىپ جاتىر. دەپۋتاتتار تۇركيانىڭ ۇلى ۇلتتىق ءماجىلىسىنىڭ قايتا تاعايىندالعان ءتوراعاسى، سايلاۋعا ادىلەت جانە دامۋ بيلەۋشى پارتياسىنان تۇسكەن يسمايل كاحرامانمەن كەزدەستى.
سەناتور د.كالەتايەۆ تۇركيا ۇلى ۇلتتىق ءماجىلىسى ءتوراعاسى جوعارى لاۋازىمىنا ي. كاحراماننىڭ تاعايىندالۋىنا بايلانىستى قازاقستان رەسپۋبليكاسى پارلامەنتى سەناتىنىڭ ءتوراعاسى قاسىم-جومارت توقايەۆتىڭ قۇتتىقتاۋىن جەتكىزدى.
اڭگىمە بارىسىندا تاراپتار ەكى ەل اراسىنداعى پارلامەنتارالىق ىنتىماقتاستىقتى دامىتۋدىڭ كەلەشەگىن تالقىلادى.
