بولاشاق ءومىر ينستيتۋتىنىڭ قىزمەتكەرلەرى ستيۆەن حوكينگ پەن يلون ماسك بولاشاققا ءتونىپ تۇرعان ءقاۋىپ كورسەتىلگەن ۆيدەونى جاريالادى، دەپ جازادى Qamshy.kz اقپارات اگەنتتىگى.
دەرەكتى فيلم جوعارى تەحنولوگيانىڭ كەسىرى بولاشاققا قانداي زارداپ اكەلەتىنىن كورسەتەدى. بۇل جولى عالىمدار ادام قولىنان جاسالعان ۇساق قانىشەر-ۇشاقتار جايىندا ءسوز قوزعادى. اتالمىش ۇش«اقتار ارقىلى قىلمىسكەرلەر كەز كەلگەن ادامدى كەز كەلگەن جەردە ولتىرە الادى.
ۆيدەو جەنيەۆادا وتكەن بۇۇ مۇشەلەرىنىڭ زاماناۋي قارۋ-جاراقتارعا ارنالعان وتىرىسىندا كورسەتىلدى. وندا «اقىلدى قارۋدىڭ» زيانى جايىندا بۇگە-شۇگەسىنە دەيىن ايتىلدى. ونىڭ ۇستىنە، كوركەمدىك بەينەروليكتە كورسەتىلگەن تەحنولوگيالاردىڭ تەڭ جارتىسى بۇگىنگى تاڭدا پايدالانىلادى. ولاردىڭ ءبارىن قولدانۋعا ىڭعايلاپ ءارى بىرىكتىرۋ ءۇشىن كوپ ۋاقىت قاجەت ەمەس ەكەندىگى دە ايتىلدى.
وتىرىستىڭ باستى تاقىرىبى ۇساق ۇشاقتار بولدى. ولار ءتۇرلى مەملەكەتتەردىڭ بيلىگىنە عانا ەمەس، تەرروريستەر ءۇشىن دە ەڭ ءتيىمدى قارۋ ەكەندىگى ەسكەرتىلدى. تەك باقىلاپ ۇيرەنىپ السا بولعانى. كورەرمەندەر ۆيدەو ارقىلى ساياساتكەردىڭ نەمەسە ۋنيۆەرسيتەت ىشىندە وتىرعان ستۋدەنتتەردىڭ بىرەر سەكۋند ىشىندە ۇساق ۇشاقتاردىڭ كەسىرىنەن قالاي ءولىم قۇشقاندارىنا كۋا بولدى. ءارى ودان قاشىپ قۇتىلۋ دا وڭاي ەمەس.
