22 قاراشا كۇنى ق ر ءدىن ىستەرى جانە ازاماتتىق قوعام مينيسترلىگىنىڭ  ۆيسە-مينيسترى ابزال نۇكەنوۆ بىرىككەن ۇلتتار ۇيىمى دامۋ باعدارلاماسىنىڭ قازاقستانداعى تۇراقتى وكىلىنىڭ ورىنباسارى مۋنحتۋيا التانگەرەلمەن بىرلەسكەن الەۋمەتتىك جوبالاردى جۇزەگە اسىرۋداعى ىنتىماقتاستىق ماسەلەلەرى بويىنشا كەزدەسۋ وتكىزدى، دەپ حابارلايدى Qamshy.kz اقپارات اگەنتتىگى.

كەزدەسۋگە سونداي-اق ورتالىق ازياداعى بىرىككەن ۇلتتار ۇيىمىنىڭ ەرىكتىلەر باعدارلاماسىنىڭ ۇيلەستىرۋشىسى - دميتريي فريششين، بۇۇ دامۋ باعدارلاماسىنىڭ باعدارلاماسىنىڭ تالداۋشىسى - كونستانتين سوكۋلسكيي، ق ر ءدىن ىستەرى جانە ازاماتتىق قوعام مينيسترىلىگى ازاماتتىق قوعام كوميتەتىنىڭ ءتورايىمى ءاليا عالىموۆا قاتىستى.

كەزدەسۋ بارىسىندا ا. نۇكەنوۆ قاتىسۋشىلارعا  مينيسترلىكتىڭ ەرىكتىلەر قىزمەتىن دامىتۋ جولىنداعى اتقارىپ وتىرعان قىزمەتى جانە الداعى جوسپارلارى تۋرالى باياندادى.

«ەرىكتىلەر قىزمەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ ماقساتىندا ەرىكتىلەردىڭ  ىس-ارەكەتتەرىنىڭ مونيتورينگى مەن تىركەلۋدىڭ ستاندارتتىق ەرەجەلەرى قابىلداندى. قازىرگى ۋاقىتتا مەملەكەتتىك ورگاندار ەرىكتىلەر قىزمەتىنە تۇراقتى تۇردە مونيتورينگ جۇرگىزۋدە.  

سونىمەن قاتار، «رۋحاني جاڭىعرۋ» باعدارلاماسىنىڭ «اتامەكەن» كىشى باعدارلاماسى شەڭبەرىندە ەرىكتىلەر  كورپۋسىن  قۇرۋ بويىنشا رەسپۋبليكالىق جوبا ىسكە اسىرىلادى. جوبا بارىسىندا ەرىكتىلەرگە كەڭەس بەرۋ، ادىستەمەلىك جانە اقپاراتتىق قولداۋ كورسەتۋ ءۇشىن  رەسپۋبليكالىق جانە  وڭىرلىك دەڭگەيدە  ۆولونتەرلىق ورتالىقتار قۇرۋ  جوسپارلانىپ وتىر.

بىرىككەن ۇلتتار ۇيىمىنىڭ دامۋ باعدارلاماسىنىڭ وكىلدەرى قازاقستانداعى ەرىكتىلەر ينفراقۇرىلىمىن دامىتۋعا جاردەمدەسۋ جانە وسى سالاداعى حالىقارالىق ىنتىماقتاستىقتى دامىتۋعا قولداۋ كورسەتۋ جونىندەگى ۇسىنىستارىن ءبىلدىردى.

كەزدەسۋ قورىتىندىسى بويىنشا  تاراپتار ەلدەگى ەرىكتىلەر قىزمەتىن جەتىلدىرۋ سالاسىنداعى ىنتىماقتاستىقتى ودان ءارى دامىتۋعا ۋاعدالاستى.