قىرعىزستان پرەزيدەنتتىگىنە ۇمىتكەر بولعان ومىربەك بابانوۆ قىرعىزستاننىڭ جاڭا پرەزيدەنتى سوورونباي جەەنبەكوۆكە اشىق حات جازدى، — دەپ حابارلايدى Qamshy.kz اقپارات اگەنتتىگى. بۇل تۋرالى ومىربەك بابانوۆ ءوزىنىڭ فەيسبۋك پاراقشاسىنا جازعان.

«ءبىزدىڭ قىرعىزستاندا بۇگىن جاڭا پرەزيدەنت ءوز جۇمىسىن باستادى. بيلىك بەيبىت تۇردە تاپسىرىلدى. ەلىمىزدە تۇراقتىلىق ساقتالدى. ال بيلىكتى اۋىسۋى – ۇلكەن جەتىستىك بولىپ تابىلادى. سوندىقتان دا مەن قىرعىزستان حالقىن قۇتتىقتايمىن! سونىمەن بىرگە ءوز اتىمنان ءبىزدىڭ حالقىمىزدىڭ سەنىمى مەن ءۇمىتى جايلى دا ايتقىم كەلەدى. سوورونباي ءشارىپ ۇلى، بۇگىن سىزگە ۇلكەن تاپسىرما بەرىلدى:  المازبەك شارشەن ۇلى اتامبايەۆ نەگىزىن قالاعان ەلدەگى بەيبىتشىلىك پەن تۇراقتىلىقتى جالعاستىرۋ، حالقىمىزدى گۇلدەندىرىپ، قىرعىزستانداعى دەموكراتيالىق جانە قۇقىقتىق مەملەكەتتىڭ نەگىزىن دامىتۋ. مەن قىرعىزستان حالقى ادال، ادىلەتتى جانە ازاماتتارعا تاڭداۋ ەركىندىگىن بەرەتىن باسشىنى قولدايتىنىنا سەنەمىن. ال ءبىزدىڭ قىرعىزستان ءوزىنىڭ زاڭىن ۇلىقتاي الاتىنىن كورسەتە وتىرىپ، وزىمىزدە جانە الەمدە ۇلگى تۇتارلىق مەملەكەتكە اينالاتىن بولادى»، — دەپ جازعان ومىربەك بابانوۆ. 

ايتا كەتەتىن بولساق، 24 قاراشادا سوورونباي جەەنبەكوۆ رەسمي تۇردە قىرعىزستان پرەزيدەنتى قىزمەتىنە كىرىستى.