قازاقستان پرەزيدەنتى بير ءال-ابد قالاسىنىڭ مەشىتىندەگى تەررورلىق اكت سالدارىنان كوپتەگەن ادامنىڭ قازا بولىپ، زارداپ شەككەنى تۋرالى حاباردى زور كۇيزەلىسپەن قابىلدادى دەپ جازادى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
«قازاقستان حالقى جانە جەكە ءوزىمنىڭ اتىمنان سىزگە، سونداي-اق قازا بولعانداردىڭ وتباسىلارى مەن جاقىندارىنا كوڭىل ايتىپ، ورنى تولماس قايعىعا ورتاقتاستىعىمدى بىلدىرەمىن. قايعىلى وقيعا كەزىندە زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن.
ءبىز بەيبىتشىلىك پەن قاۋىپسىزدىككە قارسى باعىتتالعان ەكسترەميزم مەن حالىقارالىق تەرروريزمنىڭ كەز كەلگەن ءتۇرىن قاتاڭ ايىپتايمىز.
ەلدەرىمىزدىڭ بەيبىت ءومىرى مەن قاۋىپسىزدىگىن قامتاماسىز ەتۋ ءۇشىن قازىرگى زامانعى قاۋىپ-قاتەرلەرگە قارسى كۇرەستە قازاقستان مىسىرمەن ىنتىماقتاستىقتى جالعاستىرۋعا ءارقاشان دايىن»، – دەلىنگەن جەدەلحاتتا.
