تۇركيا پرەزيدەنتى رەدجەپ تاييپ ەردوگان، حالىقتىق-رەسپۋبليكالىق وپپوزيسيالىق پارتيا كوشباسشىسى كەمال كىلىچداروگلۋ جەمقورلىققا قاتىستى ايىپتارىن دالەلدەي السا وتستاۆكاعا كەتۋگە ۋادە بەردى دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ.

ەردوعان باسقاراتىن پارتيا بۇعان دەيىن تۇركيا پرەمەر-مينيسترى بالالارىنىڭ وفشورلى كومپانياعا قاتىسى بار دەگەن اقپاراتقا بايلانىستى پارلامەنتتە ونى تالقىلاۋدى بولدىرماي تاستاعان. كىلىچداروگلۋ بۇل شەشىمدى سىناپ، ەردوعانعا حالىق الدىندا ءوز داۋلەتى تۋرالى ەسەپ بەرۋگە شاقىردى. ساياساتكەردىڭ ايتۋىنشا، پرەزيدەنتتىڭ بالالارى مەن تۋىستارى وفشورلى كومپانياعا بىرنەشە ميلليون دوللار سالعان.

ەردوعاننىڭ ادۆوكاتى وپپوزيسيا وكىلىنە قارسى سوتقا ارىز ءتۇسىردى جانە مورالدىق وتەماقى رەتىندە 380 مىڭ دوللار تولەۋدى تالاپ ەتتى.   

«ەگەر دالەلدەرىڭىز بولسا، كورسەتىڭىز. مەن سوندا جاۋاپ بەرەمىن. ال ەگەر دالەلىڭىز بولماسا كەشىرىم سۇراڭىز. قانداي شەتەلدىك بانكتە شوتىم بار ەكەنىن دالەلدەسىن. ەگەر دالەلدەي الماسا ساياساتتان كەتسىن. ال ەگەر دالەلدەسە مەن وتستاۆكاعا كەتەمىن» دەدى ەردوعان تەلەارنا ەفيرىنەن.