اقمولا وبلىسىنىڭ اكىمى مالىك مىرزالين پەكيندەگى ىسكەرلىك كەزدەسۋلەرى جايىندا ءوزىنىڭ Facbook جەلىسىندەگى پاراقشاسىندا جازدى، دەپ حابارلايدى Qamshy.kz اقپارات اگەنتتىگى.

«بۇگىن پەكيندە ينۆەستيسيالىق جانە ءوندىرىس قۇرىلىمدارىمەن 9 ىسكەرلىك كەزدەسۋ وتكىزدىم.

قىتايدىڭ "CITIC" ەڭ ءىرى مەملەكەتتىك ينۆەستيسيالىق كورپوراسياسىنىڭ پرەزيدەنتى Wang Jiong مىرزامەن كەزدەستىم (نارىقتىق كاپيتالى 50 ملرد. دوللار). تۋريزم، اۋىلشارۋاشىلىعى، قۇرىلىس، ءتۇرعىن-ۇي ينفراقۇرىلىمى، ماشيناقۇراستىرۋ، بيدايدى تەرەڭ وڭدەۋ بويىنشا ءوزارا ىنتىماقتاستىقتى دامىتۋ تۋرالى ۋاعدالاستىق.

جىلۋمەن قامتۋداعى يننوۆاسيانى الەمدەگى ەڭ جوعارى تەحنولوگيانى قولدانىپ، ەلەكتر ەنەرگياسىن قالدىقسىز وندىرۋدە كوشباسشى سانالاتىن "Shenwu" كومپانياسىنىڭ باسشىلىعىمەن تالقىلادىم»، - دەدى مالىك مىرزالين.

سونداي-اق اكىمنىڭ ايتۋىنشا،  قازاقستاندىق استىقتىڭ 25%-ىن وندىرەتىن اقمولا وبلىسى قىتايلىق كومپانيالاردىڭ قىزىعۋشىلىعىن تۋدىرىپ وتىرعانىن جازدى.

«قازاقستاندىق استىقتىڭ 25 پايىزىن وندىرەتىن اقمولا وبلىسى، قىتايدىڭ اۋىلشۋارىشىلىعى تەحنيكاسىن شىعاراتىن جەتەكشى كومپانيالارىن قىزىقتىردى. بۇل جەردە ءبىزدى بىرلەسكەن كومپانيا اشۋ ماسەلەسى قىزىتىردى. 
وسى تۇرعىدا "Longyuan Shiying Machinery Production Co. Ltd"، "YTO Group"، "Huanghai Jinma Tractor"، "Longtai Shandong" كومپانيالارى باسشىلارىمەن سويلەستىك.

قىتايدىڭ شەتەلدىك ەكونوميكالىق قارىم-قاتىناس ۇلتتىق كومپانياسى باسشىلىعىمەن دە كەزدەستىم. Fortune 500 قۇرامىنا كىرەتىن كومپانيا، وبلىس ورتالىعىندا سۋ تازارتۋ ستانساسى مەن قولجەتىمدى باسپانا قۇرىلىسى جوبالارىنا قىزىعۋشىلىق تانىتتى.

ەندى ءوزارا كەلىسىمنىڭ كەلەسى قادامى بولىپ، قىتايلىق جۇمىس توبىنىڭ اقمولا وبلىسىنا ساپارى بولادى. ساپارى بارىسىندا تاراپتارمەن اۋىلشارۋاشىلىعى، ماشيناقۇرىلىسى، ەنەرگەتيكا، تۋريزم جانە ەكونوميكانىڭ باسقا دا سەكتورى بويىنشا بىرلەسكەن كومپانيا قۇرۋ تۋرالى ماسەلەلەر ەگجەي-تەگجەيلى قارالادى.

ەرتەڭ قىتايدىڭ 71 ملن-نان استام تۇرعىنى بار حەبەي پروۆينسياسىنا بارامىز، بۇل پروۆينسيا اقمولا وبلىسى سياقتى استانالىق ايماق سانالادى، قىتايدىڭ ەڭ ءىرى استىقتى ءوڭىرى»، - دەپ جازدى مىرزالين.

قاراشانىڭ باسىندا اقمولا وبلىسىنىڭ اكىمى حالىقپەن جاقىن بولۋ ماقساتىندا Facebook جەلىسىندە جەكە پاراقشاسىن اشقانى حابارلانعان.