شۆەد ساياساتكەرى مارتين ستريد «شۆەد دەموكراتتارى» پارتياسىنان كەتۋگە ءماجبۇر. بۇعان ساياساتكەردىڭ «مۇسىلماندار ادام ساناتىنا جاتپايدى» دەگەن ءسوزى سەبەپ بولدى.

بۋرلەنگ قالاسىنىڭ جەرگىلىكتى ساياستاكەرى ستريد نوررچەپينگتە وتكەن ۇلتتىق كونفەرەنسيادا 1-دەن 100-گە دەيىنگى شكالانىڭ بولاتىنى جايىندا ايتتى. بۇل تۋرالى «دس» پورتالى The Local سايتىنا سىلتەمە جاساپ حابارلادى.

«شكالانىڭ ءبىر شەتىندە ءسىز 100% ادامسىز، جەكە تۇلعاسىز، ەكىنشى ءبىر شەتىندە ءسىز 100% مۇسىلمانسىز»، - دەدى ول.

«ەگەر ءسىز بۇرىن مۇسىلمان بولعان بولساڭىز، تولىق قاندى ادام قاتارىنا قوسىلۋ ءۇشىن ۇزاق جول جۇرگەنسىز»، - دەدى ستريد.

سونداي-اق، ساياساتكەر مۇسىلمانداردى يسلامنان بوساتىپ، ءبارىن «شۆەد دەموكراتتارىنىڭ» قاتارىنا قوسۋدى ۇسىندى.

ءوز كەزەگىندە پارتيا حاتشىسى ريچارد دجومسحوف ءستريدتىڭ ايتقانىن «ناسىلشىلدىككە» تەڭەپ، پارتيادان كەتەتىنىن مالىمدەدى.

ستريد مۇسىلماندارعا قاتىستى ايتقانى ءۇششىن كەشىرىم سۇراپ، پارتيادان كەتۋگە ءماجبۇر بولدى.