مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆالارىن تالقىلادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
تاراپتار استانا جانە تاشكەنتكە ءوزارا جاساعان ساپارلارى بارىسىندا قول جەتكىزىلگەن ۋاعدالاستىقتاردىڭ دايەكتى ىسكە اسىرىلىپ جاتقانىن اتاپ ءوتتى. سونىڭ ىشىندە ەكى ەل تاۋار اينالىمىنىڭ جوعارى قارقىنمەن ءوسىپ، بيزنەس ورتا بايلانىستارىنىڭ جاندانىپ كەلە جاتقانى ايتىلدى.
نۇرسۇلتان نازاربايەۆ پەن شاۆكات ميرزيويەۆ باسىم باعىتتار بويىنشا قازاقستان-وزبەكستان اراسىنداعى ءوزارا ءىس-قيمىلدى ودان ءارى ىلگەرىلەتۋگە ۋاعدالاستى.
سونداي-اق، كوشباسشىلار كۇن تارتىبىندەگى وڭىرلىك جانە حالىقارالىق وزەكتى ماسەلەلەر جونىندە پىكىر الماستى.
پىكىر قالدىرۋ