سولتۇستىك كورەيا كونتينەنتارالىق بالليستيكالىق زىمىراندى جاساۋ باعدارلاماسىنىڭ اياقتالعانىن جاريالادى. زىمىران اقش كونتينەنتىندەگى كەز كەلگەن جەرگە باعىتتالىپ، سوققى جاساۋعا قابىلەتتى، دەپ Qamshy.kz اقپارات اگەنتتىگى CNN-گە سۇيەنە وتىرىپ جازدى.

عارىشتا جۇمىس ىستەيتىن تاۋەلسىز ساراپشىلار «ەگەر زىمىران جاپونيا تەڭىزىنە تاڭەرتەڭ ەرتە ساعاتتاردا قونىپ، قاراپايىم تراەكتوريادا ىسكە قوسىلعان بولسا، ونىڭ  ۆاشينگتونعا سوققى جاساۋعا قابىلەتتى بولاتىنىن» ايتتى.

مەملەكەتتىك تەلەارنانىڭ ارنايى بيۋللەتەنىندە: «حۆاسونگ-15 ءتيپتى قارۋ-جاراق جۇيەسى - ICBM قۇرلىقارالىق بالليستيكالىق زىمىرانى اقش-تىڭ بارلىق ماتەريگىنە سوققى جاساۋعا قابىلەتتى»، - دەگەن حابار تاراتىلدى.

مۇنداي مالىمدەمەنى ەستىگەن دونالد ترامپ: «كەزەكتى زىمىراننىڭ شىعارىلۋى ءبىزدىڭ اتالمىش ماسەلەگە دەگەن كوزقاراسىمىزدى وزگەرتپەيدى، ءبىز بۇل جاعدايدىڭ شەشىمىن تابامىز»، -دەدى.

سەناتور فرانس كلينسيەۆيچتىڭ ايتۋىنشا، ەگەر الەم بىرىگىپ ارەكەت ەتسە، پحەنياندى ورنىنا قويۋعا بولادى.