ق ر اقپارات جانە كوممۋنيكاسيالار ءمينيسترى داۋرەن ابايەۆ مينسك قالاسىندا بەلارۋس ەلىنىڭ جوعارى تەحنولوگيالار پاركىنىڭ ديرەكتورىمەن كەزدەستى، دەپ حابارلايدى Qamshy.kz اقاپارات اگەنتتىگى مينيسترلىكتىڭ باسپا ءسوز قىزمەتىنە سىلتەمە جاساپ.

28 قاراشادا مينسكىدە اقپارات جانە كوممۋنيكاسيالار ءمينيسترى داۋرەن ابايەۆ بەلارۋس ەلىنىڭ جوعارى تەحنولوگيالار پاركىنىڭ ديرەكتورى ۆسيەۆولود يانچيەۆسكييمەن ەكىجاقتى كەزدەسۋ وتكىزدى. 

كەزدەسۋدە تاراپتار ستارتاپ ەكوجۇيەلەرىنىڭ دامۋىنا جانە ەكى ەلدىڭ ۆەنچۋرلىق قارجىلاندىرۋ ينستيتۋتتارىنا قاتىستى ماسەلەلەردى تالقىلادى. سونىمەن قاتار، سيفرلىق ەكونوميكا بويىنشا كوميسسيا قۇرۋ دا جوسپارلاندى. كوميسسيا قازاقستان-بەلارۋس ساۋدا-ەكونوميكالىق ىنتىماقتاستىعى بويىنشا ۇكىمەتارالىق كوميسسياسى اياسىندا قۇرىلادى. 

سونداي-اق، كەزدەسۋدە تالقىلانعان وزەكتى ماسەلەلەردىڭ ءبىرى – بلوكچەين تەحنولوگيالارىن قولدانۋ مەن ونىڭ قۇقىقتىق رەتتەلۋى بولدى. 

كەزدەسۋ سوڭىندا تاراپتار، جوعارى تەحنولوگيالار سالاسىندا ەكىجاقتى ىنتىماقتاستىق جايلى كەلىسىمگە قول قويدى.