پارلامەنت سەناتىنىڭ دەپۋتاتى داريعا نازاربايەۆ الماتىداعى فۋرمانوۆ كوشەسىنىڭ اتاۋىن اۋىستىرۋعا قاتىستى پىكىر ءبىلدىردى، - دەپ حابارلايدى Qamshy.kz اقپارات اگەنتتىگى Tengrinews.kz مالىمەتىنە سۇيەنىپ.

"بۇل جايلى ءوزىم دە ءقازىر عانا ءبىلدىم. وبەكتيۆتى جانە سۋبەكتيۆتى ءتۇرلى سەبەپتەر بويىنشا بۇل سۇراققا سۋبەكتيۆتى جاۋاپ بەرۋ قيىن. ءبىراق ەلىمنىڭ ازاماتى رەتىندە، ەلىمدى سۇيەتىن ادام رەتىندە، تاۋەلسىزدىگىمىزدىڭ 25 جىل بويىنداعى جەتىستىكتەرىمىزگە قۋاناتىن ادام رەتىندە بۇل شەشىمدى دۇرىس دەپ ەسەپتەيمىن جانە ءبىزدىڭ كوشباسشى ەلىمىزدىڭ بەيبىت ءارى تىنىشتىقتا ءومىر ءسۇرىپ جاتقانى ءۇشىن وسىنداي جوعارى قۇرمەتكە لايىق"، - دەدى داريعا نازاربايەۆا سەنات ۇزىلىسىندە.

"سونىمەن قاتار، پرەزيدەنتىمىز ءىرى ماسشتابتاعى ادام ەكەنىن بىلەمىز، يادروعا قارسى جانە حالىقارالىق تەرروريزممەن كۇرەس بويىنشا قانداي ءىرى باستامالارى بار ەكەنىن بىلەمىز"، - دەيدى دەپۋتات.

داريعا نازاربايەۆا قازاقستاننىڭ الەمدە يادرو قارۋىنان ءبىرىنشى بولىپ باس تارتقان ەل بولعانىن ەسكە سالدى. 

"بۇگىندە ءبىز استانانىڭ قاقتىعىسۋشى تاراپتاردىڭ كەزدەسۋىنە سەنىمدى الاڭى بولىپ وتىرعانىنا كۋامىز. سوندا ءبىز حالىقارالىق جانە وڭىرلىك قاقتىعىستاردى رەتتەۋگە بەلسەندى ارالاسىپ جاتىرمىز. سوندىقتان وسىنىڭ ءبارىن ءارجاقتى ساراپاي كەلە، ءادىل باعاسىن بەرسەك، مەملەكەت باسشىسى جوعارى قۇرمەتكە لايىق. ول تاريحتىڭ ادامى"، - دەدى سەناتور.

  ال جۋرناليستەردىڭ نازاربايەۆ بۇرىن مۇنداي باستامالارعا قارسى بولعانى جايلى سۇراعىنا سەناتور بۇل باستامانىڭ "تومەننەن" ايتىلعان بولۋى مۇمكىن ەكەنىن ايتىپ، جاۋاپ بەردى.

"بۇل جاعدايدا مەن ءوزىمنىڭ دە ءقازىر عانا بۇل تۋرالى ءبىلىپ وتىرعانىمدى ايتا كەتەيىك. بۇل تومەننەن ايتىلعان باستاما بولۋى كەرەك"، - دەدى ول. 

ەسكە سالايىق، بۇگىن، 30 قاراشادا الماتىداعى فۋرمانوۆ كوشەسى نازاربايەۆ داڭعىلى بولىپ وزگەردى.