بۇگىن مينسكىدە نۇرسۇلتان نازاربايەۆ ايىرقالپاقتى اعايىننىڭ جاڭا پرەزيدەنتىمەن جۇزدەسىپ، ەكى جاق ورتاق مامىلەگە كەلدى. كەزدەسۋ قىرعىز باسشىسىنىڭ وتىنىشىمەن ءوتتى. بۇل تۋرالى 24.kz حابارلايدى. ۇجىمدىق قاۋىپسىزدىك شارتى ۇيىمى ءسامميتىنىڭ قارساڭىندا قوس كوشباسشى باۋىرلاس ەكى ەل اراسىنداعى ىنتىماقتاستىق ماسەلەلەرىن پىسىقتادى. شەكاراداعى جاعدايدى تۇزەتۋ ءۇشىن ارنايى جول كارتاسى ازىرلەنەدى. بىرنەشە كۇننىڭ ىشىندە قىرعىزستاننىڭ ۇكىمەتتىك دەلەگاسياسى استاناعا كەلىپ، وعان قول قويادى دەپ جوسپارلانۋدا. ودان كەيىن قىرعىز باسشىسىنىڭ ءوتىنىشى بويىنشا قورداي شەكاراسى ۋاقىتشا اشىلماق. بۇعان جاۋاپكەرشىلىكتى سوورونباي جەەنبەكوۆ ءوز موينىنا الىپ وتىر. ەلباسى قىرعىز باسشىسىن سايلاۋدا جەتكەن جەڭىسىمەن قۇتتىقتاپ، قازاقستانعا رەسمي ساپارمەن كەلۋگە شاقىردى.

نۇرسۇلتان نازاربايەۆ: ءبىز جاڭا كەلىستىك. ەكى ەلدىڭ اراسىنداعى تۋىسقاندىق-باۋىرلىق قاتىناستىڭ بارلىعىن ورنىنا كەلتىرەمىز. ول ەكى حالىقتىڭ مۇددەسى. شەكارادا بولعان جاعدايدىڭ نە ءۇشىن بولعانىن ءبارىمىز بىلەمىز. سوندىقتان ءبىز بىلاي دەپ كەلىستىك. جول كارتاسى بار. ەكى مەملەكەت، ەكى ۇكىمەت كەلىسكەن. سول جول كارتاسىن قاراۋ ءۇشىن ەرتەڭ، ءبىر كۇنى ءبىر ۇكىمەت پەن قازاقستانعا كەلەدى. ءبىزدىڭ توپپەن ەكەۋى وتىرادى دا سوعان قول قويادى. سودان كەيىن سوورانباي ءشاريپوۆيچتىڭ سۇراۋى بويىنشا ءبىز ۋاقىتشا قورداي شەكاراسىن اشامىز دا، ءبىراق تا ەكى جاقتان باقىلاۋ قويامىز. قازاقستاننان دا، قىرعىستاننان دا. ەاەو-دەن ءۇش ادام ءاربىر جۇكتى قارايدى، ءبىراق وتكىزە بەرەتىن بولادى. سوندايدى ءبىز قىتايدىڭ شەكاراسىندا دا جاسايمىز.

سوورونباي جەەنبەكوۆ، قىرعىز رەسپۋبليكاسىنىڭ پرەزيدەنتى: ءبىز قۇرمەتتى نۇرسۇلتان ابىشۇلىمەن سويلەستىك. مەن راقمەت ايتتىم، مەنى قۇتتىقتاۋى بويىنشا. مەن نۇرسۇلتان ءابىشۇلىنا دا دەنساۋلىق تىلەيمىن. ءبىزدىڭ باۋىرلاس قازاق ەلىنە جاقسىلىقتار قالايمىن. بولعان پروبلەمالار بويىنشا كوپ سويلەستىك. شەشىمگە كەلدىك. جول كارتاسى بار، ەكى ۇكىمەت ونى ىستەيدى. جەلتوقساننىڭ اياعىندا شىعارامىز. ودان كەيىن كوپ ماسەلە شەشىلەدى. شەكاراداعى ماسەلەنى شەشتىك. مەن سۇرادىم، بۇل پروبلەمالاردىڭ ءبارى شەشىلەتىن پروبلەمالار، سودان كەيىن شەكارانى اشىپ بەردى. مەن جاۋاپكەرشىلىك الىپ وتىرمىن. كوپ ماسەلەر بار، ونى ەكى تاراپتان شەشەمىز. راقمەت، نۇرسۇلتان ءابىش ۇلى،-دەدى ول.

 - تابىستى بول! قىرعىزستان حالقىنا اق تىلەگىمنەن باسقا ەش نارسە جوق. ءبىر تۋعان ەلمىز. ومىردە بولا بەرەدى. اناۋ بولادى، مىناۋ بولادى. ونىڭ بارلىعىن ارتقا تاستايىق. ءبىر نارسەنى كەشىرمەسەڭ، ول اداممەن تاعى دا قارىم-قاتىناسىڭ بولادى دەگەن ءسوز. كەشىرسەڭ، جابىلادى، -دەدى ەلباسى..