نيگەريالىق ءبيشى 137 ساعات بويى توقتاماستان بيلەپ، گيننەستىڭ رەكوردتار كىتابىنا ەندى، دەپ جازادى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.
22 جاستاعى ودۋميەۆۋ دەببي دەگەن لاقاپ اتپەن تانىمال كاسىبي ءبيشى 137 ساعات بويى توقتاماستان بيلەپ، بي ۇزاقتىعى بويىنشا جاڭا الەمدىك رەكورد ورناتتى.
"ماعان قولداۋ كورسەتكەندەرىڭىز ءۇشىن العىسىمدى ايتامىن! بۇل مەن ءۇشىن وتە ماڭىزدى! سىزدەردى جاقسى كورەمىن!" — دەپ جازدى بويجەتكەن ينستاگرامداعى پاراقشاسىندا.
6 جاسىنان باستاپ بيمەن اينالىسقان بويجەتكەن باستاپقىدا 150 ساعات بويى بيلەۋدى جوسپارلاعان، الايدا الەمدىك رەكورد ورناتۋعا 137 ساعات تا جەتتى.
مۇنىڭ الدىنداعى رەكورد 123 ساعات 15 مينۋتتى قۇراعان ەدى. ونى 2010 جىلى 20-26 قىركۇيەك ارالىعىندا توقتاۋسىز بيلەپ ءۇندى قىزى ورناتقان بولاتىن.
