وسىدان ەكى اپتا بۇرىن ۇيىنەن قاشىپ كەتكەن 14 جاستاعى قىزدى ءتارتىپ ساقشىلارى تاۋىپ، ۇيىنە قايتاردى، دەپ حابارلايدى Qamshy.kz اقپارات اگەنتتىگى patrul.kz-كە سىلتەمە جاساپ.

14 قاراشادا ەسكەلدى اۋدانىنىڭ پوليسياسىنا باقتىباي اۋىلىندا تۇراتىن وتباسىلىق جۇپ شاعىمداندى. ولار وزدەرىنىڭ كامەلەت جاسقا تولماعان قىزدارىنىڭ جوعالىپ كەتكەنى جايلى حابارلادى.

وسىعان قاتىستى جاعدايلاردى زەرتتەي وتىرىپ، پوليسەيلەر وقۋشىنىڭ 12 قاراشادا تالدىقورعان قالاسىندا جوعالعانىن انىقتادى. بۇندا ول اتا-اناسىمەن بىرگە كەلگەن ەكەن. سونىمەن قاتار تەرگەۋشىلەرگە بۇل وقۋشى قىزدىڭ ۇنەمى ۇيدەن قاشىپ كەتەتىنى جانە قاڭعىباستىققا ءبىر تابان جاقىن ەكەنى ءمالىم بولدى. مۇعالىمدەر مەن يۋۆەنالدى پوليسيا قىزمەتكەرلەرى دە بۇل جايلى حاباردار ەكەن.

ەسكەلدى اۋدانىنىڭ پوليسەيلەرى وبلىستىق ورتالىقتاعى ارىپتەستەرىمەن بىرگە اۋقىمدى ىزدەۋ جۇمىستارىن ۇيىمداستىردى. ناتيجەسىندە وقۋشى قىزدى ولار قاراشانىڭ 28-نەن 29-نا قاراعان ءتۇنى تالدىقورعانداعى ويىن-ساۋىق ورتالىقتارىنىڭ بىرىنەن تاپتى.

«ءجاسوسپىرىم كوپتەگەن قۇربىلارىنىڭ ۇيلەرىندە قىدىرىپ جۇرگەنىن جانە الداعى ۋاقىتتا اتا-اناسىنا ورالاتىن ويى بولماعانىن ايتتى. قاشقىن قىز ەسكەلدى اىىب-نە جەتكىزىلىپ، سول جەرگە شاقىرتىلعان اتا-اناسىنىڭ قولىنا تاپسىرىلدى»، - دەپ باياندادى الماتى وبلىسى ءىىد-ىنىڭ باسپا ءسوز قىزمەتى.

يۋۆەنالدى پوليسيا وكىلدەرى وقۋشىمەن كەزەكتى پروفيلاكتيكالىق اڭگىمە جۇرگىزدى.