اقش پەن وڭتۇستىك كورەيا تاريحتاعى ەڭ ءىرى اۋە وقۋ-جاتتىعۋ جۇمىستارىن باستادى. وعان 230 ۇشقىش جانە امەريكالىق F-22 اتتى كوزگە كورىنبەيتىن 6 جويعىش ۇشاق تارتىلدى. 8 جەلتوقسانعا دەيىن سوزىلاتىن جاتتىعۋعا قاتىسۋشىلار سولتۇستىككورەيالىق جىلجىمالى زىمىران قۇرىلعىلارىنىڭ كوزىن جويۋدى ۇيرەنەدى، دەپ Qamshy.kz اقپارات اگەنتتىگى Xinhua-عا سىلتەمە جاساپ حابارلايدى.

باستى سەبەپ – سولتۇستىك كورەيانىڭ قاتەر ءتوندىرۋى. وڭتۇستىك كورەيا قاۋىپسىزدىك ءمينيسترىنىڭ مالىمدەۋىنشە، بۇل جاتتىعۋ – سەۋل مەن ۆاشينگتوننىڭ سولتۇستىك كورەياعا قارسى كۇشتەرىن دايىنداۋ. ەسكە سالا كەتەيىك، كورەي تۇبەگىندەگى جاعداي پحەنياننىڭ بالليستيكالىق زىمىراندى كەزەكتى سىناقتان وتكىزۋىنەن سوڭ شيەلەنىسە ءتۇستى.

ساراپتامالىق دەرەكتەر بويىنشا بۇل زىمىران بۇرىنعىسىنان الدەقايدا كۇشتىرەك. ونىڭ ۇشۋ بيىكتىگى 4 جارىم مىڭ، ال قاشىقتىعى 950 شاقىرىمدى قۇرادى. زىمىران جاپوندىق اوموري جاعالاۋىنان 200 شاقىرىم جەرگە، ەركىن ەكونوميكالىق ايماققا قۇلاعان.