دەپۋتاتتار يتالياداعى قىزاناق كۇنى مەن گەرمانياداعى سىرا كۇنى سياقتى قازاقستاندا نان كۇنىن تويلاۋدى ۇسىندى. پارلامەنت فراكسياسىنىڭ مۇشەلەرى ياعني، "حالىق كوممۋنيستەرى" قازاقستاندا نان كۇنىن تويلاۋدى ۇسىندى. بۇل ۇسىنىستى پارلامەنتتىڭ تومەنگى پالاتاسىنىڭ ماجىلىسمەنى ۆلاديسلاۆ كوساريەۆ ۇسىندى، دەپ Qamshy.kz اقپارات اگەنتتىگى Today.kz-كە سۇيەنىپ جازادى.
دەپۋتاتتىق ۇسىنىس ق ر پرەمەر-مينيسترى باقىتجان ساعىنتايەۆقا، اۋىلشارۋاشىلىعى ءمينيسترى اسقار مىرزاحمەتوۆكە جانە مادەنيەت جانە سپورت ءمينيسترى ارىستانبەك مۇحامەديۇلىنا باعىتتالالدى. دەپۋتاتتاردىڭ ويىنشا، بيداي ءوسىرىپ، نان پىسىرەتىندەردىڭ اۋىر ەڭبەگى تيىسىنشە باعاسىن العان ەمەس. سول سەبەپتى نان مەيرامى كۇنى ءتۇرلى نان جارمەڭكەلەرى مەن ونى حالىققا تەگىن تاراتۋ سياقتى ءىس-شارالار وتكىزىلۋى كەرەك.
