قازاقستان رەسپۋبليكاسىنىڭ تۇڭعىش پرەزيدەنتى كۇنى الماتى اكىمى باۋىرجان بايبەك ۇشاقتاردى ءتۇرلى جاعدايدا قابىلدايتىن جانە اۋا رايىنا قاراماستان اەرودرومنىڭ جۇمىس ىستەۋىن قامتاماسىز ەتەتىن اۋەجايدىڭ جاڭا ۇشۋ جانە قونۋ الاڭىنىڭ اشىلۋ شاراسىنا قاتىستى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
الاڭدى رەكونسترۋكسيالاۋ وتە قىسقا مەرزىمدە، مامىر مەن قاراشا ايلارى اراسىندا اتقارىلدى. جەكە ينۆەستيسيا ەسەبىنەن توسەنىش ۇزىنا بويىنا وزگەرتىلدى، ەكى جاڭا جىلدامدىق جولى جاسالدى، جارىق سيگنالىنىڭ جاڭا جۇيەسى ورناتىلدى، ەلەكتر جابدىقتار تولىق الماسىتىرىلدى.نەمىستەر جاساعان جارىق سيگنالىنىڭ جاڭا جۇيەسى «III B» يكاو كاتەگرويالارىنىڭ تالاپتارىنا ساي جانە ۇشاقتاردى كورىنۋى شەكتەۋلى (گوريزونتالدى كورىنىسى كەم دەگەندە 75 م، ۆەرتيكالدى كورىنىسى – 0 م)، كەزدە دە قابىلداي بەرەدى، سونىڭ ارقاسىندا الماتى اەرودرومىنا اۋا رايى ەش اسەر ەتپەيدى.
«بۇرىن ءىرى تاسىمالداۋشىلار تۇماننىڭ سالدارىنان قونا الماي، 7،5 ملن. دوللارعا دەيىن شىعىنعا ۇشىرايتىن. بۇل ماسەلە ەندى شەشىلدى. ونىڭ ۇستىنە، اەرودرومدا قار تازالايتىن ماشينالالار دايىن، ولار سەگىز مەترلى قار تازالاعىشتار، مۇزعا قارسى تەحنيكالاردىڭ 1،5 جىلدىق ملن. ليتر قورى بار، سونىمەن بىرگە اۋە جولاقتارىن مۇزدان قورعايتىن قۇرعاق قوسپالار – رەاگەنتتەر دە جەتكىلىكتى. ءبىزدىڭ مندەتىمىز ساپانى ارتتىرىپ، سەرۆيستى جاقسارتۋ. اۋەجاي قىسقى ناۆيگاسياعا تولىق دايىن»، - دەدى الماتىنىڭ حالىقارالىق اۋەجايىنىڭ پرەزيدەنتى ايبول بەكمۇحامبەتوۆ قالا اكىمىنە.
قايتا جاسالعان اۋە جولاقتارىنىڭ ارقاسىندا جۇمىس تيىمدىلىگى دە ارتىپ، اۋە سۋدنالارىن قابىلداۋ جاقساردى.كەلەر جىلى جاڭا جىلدامدىق جولاقتارى ۇشتاسقان كەزدە ۇشۋ الاڭدارى تەز دايىن بولۋى بارىسىندا اەرودرومدا ۇشۋ- قونۋ وپەراسيالارىن وتكىزۋ قابىلەتى ساعاتىنا 13-تەن 24-كە دەيىن وسەدى.
بۇگىن الماتىدا اۋەجاي ماڭىنا جاقىن ورنالاسقان ب.مايلين كوشەسىندەگى كىشى الماتى وزەنى بويىنداعى كوپىر ارقىلى ەكى جاقتى كولىك قوزعالىسى قامتاماسىز ەتىلدى. بۇل كوپىردىڭ ۇزىندىعى 42،6 مەتر، 1960 جىلى سالىنىپ، اپاتتى جاعدايدا بولعان ەدى. ەندى ول قايتا جاڭعىرىپ، ىسكە قوسىلدى.
قالا باسشىسىنا كوپىر كونسترۋكسيالارىن جاڭارتۋ بارىسىندا قۇرىلىستىڭ تەمىربەتون قوندىرعىلارىنىڭ تولىق جاڭارعانى، ءمونوليتتى تەمىربەتون پليتكالارىنىڭ ورناتىلعانى، كوپىر تىرەكتەرىنىڭ الماستىرىلعانى، ينجەنەرلىك جەلىلەردىڭ قايتا سالىنعانى، اسفالتتىڭ توسەلگەندىگى، باسقا دا جۇمىستاردىڭ جۇرگىزىلگەندىگى باياندالدى. بارەرلى جانە ۇستايتىن قورشاۋلار ورناتىلعان.
