كەلەر جىلى بازالىق زەينەتاقىنى ەسەپتەۋ جۇمىستارىنا وزگەرىستەر ەنگىزىلەدى. ءتىپتى ءبىرىڭعاي جيناقتاۋشى زەينەتاقى قورىنان بەرىلەتىن تولەمدى ەسەپتەۋ تارتىبىدە وزگەشە بولماق. بۇل تۋرالى TVK ارناسى حابارلادى.
زاڭدى قۇجات كۇشىنە ەنگەننەن باستاپ، مەملەكەتتىك بيۋدجەتتەن تولەنەتىن بازالىق زەينەتاقى ەڭبەك ءوتىلى مەن جيناقتاۋشى زەينەتاقى جۇيەسىنە قاتىسۋ ءوتىلىن ەسكەرە وتىرىپ تاعايىندالاتىن بولادى. ەگەر زەينەتكەردىڭ 1998 جىلدىڭ 1 قاڭتارىنا دەيىنگى ەڭبەك تاجىريبەسى 10 جىلدان تومەن بولسا وندا بۇل كورسەتكىش بازالىق زەينەتاقىنىڭ ەڭ تومەنگى كۇنكورىس دەڭگەيىنىڭ 54 پايىزىن قۇرايدى. ياعني بۇل تولەم 14 416 تەڭگەگە تەڭ. كەرىسىنشە ەڭبەك تاجىريبەسى 10 جىلدان اسقان ءاربىر جىل ءۇشىن ونىڭ مولشەرى 2 پايىزعا ءوسىپ وتىرادى. ال 33 جىلدان جوعارى بولسا، زەينەتاقى مولشەرى ەڭ تومەنگى كۇنكورىس دەڭگەيىنىڭ 100 پايىزىن قۇراپ، ودان اسىرىلمايدى.
«بۇل جەردە كوڭىل بولىنەتىن باستى ماسەلە زەينەت اقى قورىنى ءتۇسىپ جاتقان ءاربىر جارنانى قاداعالاۋ. ويتكەنى ءار تۇسكەن جارنا ازاماتتاردىڭ ءبىر ايلىق ەڭبەك ءوتىلى بولىپ ەسەپتەلىنەدى. بۇدان بولەك 2018جىلدىڭ 1 قاڭتارىنان زەينەتاقى قورىناندا تولەمدى الۋ جولىدا وزگەرەيىن دەپ وتىر»، - بجزق اق وقوف ءبولىم باسشىسى ءابدىمۇرات يسابايەۆ.
كەلەسى جىلى زەينەتاقى زاڭناماسىنا وزگەرىستەر ەنگىزىلىپ، جاڭا قۇجات ءوز كۇشىنە ەنەتىن بولادى. 2018 جىلدىڭ 1 قاڭتارىنان باستاپ، نازىك جانداردىڭ زەينەتكە شىعۋ جاسى 6 ايعا ۇلعايادى. ءتىپتى بۇل ءۇردىس جۇيەلى تۇردە جىل سايىن ىسكە اساتىن بولادى.
«1960 جىلى 1 قاڭتار مەن 30 ماۋسىمدا تۋىلعان ازاماتتاردىڭ بارلىعى 58،5 جاستا زەينەتكە شىعاتىن بولادى. ال 1960 ج 1شىلدە مەن 31 جەلتوقسان ارالىعىندا تۋىلعاندار 2019 جىلى زەينەتكە 59 جاستا شىعاتىن بولادى. ءدال وسى لاي 2027 جىلعا دەيىن جارتى جىلدان قوسىلىپ، وسى جىلى ەرلەر مەن ايەلدەر دە 63 جاستان زەينەتكە شىعادى»، - دەدى ءبولىم باسشىسى.
زەينەتاقى تولەمدەرىن الۋ قۇقىعى تۋىنداعان كەزدە ماماندار بجزق دەر كەزىندە جۇگىنۋ قاجەتتىگىن ەسكەرتەدى. قاجەتتى قۇجاتتار مەن تالاپتارى تۋرالى تولىق اقپارات مەكەمەنىڭ رەسمي www.enpf.kz سايتىندا جاريالانعان. سونداي-اق بايلانىس ورتالىعىنىڭ 1418 تەلەفونىنا حابارلاسىپ انىقتاۋعا دا بولادى. قوسىمشا اقپار، اتالعان مەكەمەنىڭ وپەراسيالىق بولىمشەلەرى 30 جانە 31 جەلتوقسان كۇندەرى تاڭعى ساعات 09:00-دەن 13:00 گە دەيىن جۇمىس ىستەيدى.
