الماتىدا جۇمىسپەن قامتاماسىز ەتۋگە بايلانىستى جارمەڭكە ءوتتى، دەپ حابارلايدى Qamshy.kz اقپارات اگەنتتىگى.

اتالعان جارمەڭكە 2017 جىلدىڭ 5 جەلتوقسانىندا الماتى قالاسىنداعى  «Grand Park» ويىن-ساۋىق ورتالىعىندا 10:00 – 18:00 ارالىعىندا بولدى.

بۇل ءىس-شارانى الماتى قالاسى بويىنشا مەملەكەتتىك قىزمەت پەن جەمقورلىققا قارسى دەپارتامەنت پەن المالى اۋداندىق اكىمدىگى ۇيىمداستىرعان بولاتىن.  

جارمەڭكەنىڭ نەگىزگى ماقساتى ەلەكتروندى مەملەكەتتىك قىزمەتتى دارىپتەۋ مەن مەملەكەتتىك قىزمەتتى ۇسىنۋدىڭ رەتى مەن «ەلەكتروندى ۇكىمەت» پورتالى، «ازاماتتار ارنالعان ۇكىمەت» اتتى كورپوراسيادان قىزمەت الۋدىڭ ارتىقشىلىعىن ءتۇسىندىرۋ.

جارمەڭكەگە قاتىسقان ءاربىر ازامات كاسىبي دەڭگەيدە كەڭەس الىپ، جەرگىلىكتى اتقارۋشى ورگانداردىڭ كومەگىنە جۇگىنۋ مۇمكىندىگىنە يە بولدى.

سونىمەن بىرگە جارمەڭكەگە قاتىسقان ءاربىر ازامات وزىنە ۇسىنىلعان جۇمىسپەن تانىسا الادى. جالپى ايتقاندا، الماتى قالاسى بويىنشا، 48 مەملەكەتتىك ورگان قىزمەت كورسەتسە، جالپى قىزمەت كورسەتۋ سانى 353-كە جەتكەن.

بۇگىندىككە مەملەكەتتىك كورپوراسيا ارقىلى جانە «ەلەكتروندى ۇكىمەت» ارقىلى جاسالعان قىزمەت بۇكىل مەملەكەتتىك قىزمەتتەردىڭ 60 %-ىن قۇرايدى.

اتالعان جارمەڭكەدە 21 مەملەكەتتىك ورگان، 3 ۇكىمەتتىك ەمەس ۇيىمدار، ولاردىڭ قاتارىندا ۇلتتىق كاسىپكەرلەر پالاتا «اتامەكەن»، «دامۋ»، «جيلسترويسبەربانك»، «گفسس» ارحيتەكتۋرا مەن دەنساۋلىق ساقتاۋ، ءبىلىم بەرۋ، ازاماتتىققا تىركەلۋ جانە جەر تىلىمىنە قاتىستى سالالارعا بايلانىستى قىزمەت كورسەتتى.

بۇگىن جارمەڭكەگە 2526 ادام مەملەكەتتىك قىزمەتكە بايلانىستى ءتۇرلى سۇراقتارمەن كەلسە، بوس جۇمىس ورنىنا قاتىستى سۇراقتارمەن كەلگەن 407 ازاماتقا قىزمەت كورسەتىلدى.

كاسىبي دەڭگەيدەگى كەڭەس الۋ ماقساتىمەن مەملەكەتتىك ورگانداردا اقپاراتتىق ۆيدەو روليكتەر مەن تاراتىلاتىن ماتەريالدارداعى اقپاراتتار جەتىلدىرىلدى.

جارمەڭكەگە قاتىسۋشىلارعا ەلەكتروندى ساندىق قولتاڭبا الۋ مۇمكىندىگى ۇسىنىلىپ، ءبىر ۋاقىتتا بىرنەشە ەلەكتروندى قىزمەت تۇرلەرى تانىستىرىلدى.