ق ر تۇڭعىش پرەزيدەنتى كۇنى قارساڭىندا «نۇر وتان» پارتياسىنىڭ الماتى قالالىق فيليالىندا ءبىلىم، دەنساۋلىق ساقتاۋ، مادەنيەت پەن بيزنەس سالاسى وكىلدەرىن پارتيا قاتارىنا قابىلداۋ جانە «نۇر وتان» پارتياسىنىڭ العاشقى مۋلتيمەديالىق مۇراجايىن اشۋ شارالارىنىڭ سالتاناتتى ءراسىمى ءوتتى.
مۇراجايدان «نۇر وتان» پارتياسىنىڭ قۇرىلۋى مەن قالىپتاسۋ تاريحىن، پارتيانىڭ ماڭىزدى قۇجاتتارىن، سونىمەن قاتار پارتيا ءتوراعاسىنا تيەسىلى پروفەسسور مانتياسىن، كىتاپتاردى، پارتيا بيلەتتەرىن جانە باسقا دا زاتتاردى كورۋگە بولادى.
مۇندا كەلۋشىلەر جوباداعى پارتيا تاريحىنىڭ، زاماناۋي ديزاين مەن جاڭا تەحنولوگيالاردىڭ ءوزارا ۇيلەسىم تاپقان ەرەكشە كونسەپسياسىن باعالاي الادى. ينتەراكتيۆتى پانەلدەر (multi-touch-screen) ءداستۇرلى مۇراجاي سورەلەرىن الماستىرعان. LED-ەكراننان 10 گيگابايتتى اقپاراتتى سيفرلى ەكسپوزيسيا تۇرىندە كورۋگە بولادى.
مۇراجايدى اشۋداعى باستى ماقسات-تاريحي ءارى مادەني، قوعامدىق-ساياسي اقپاراتتى جيناقتالعان تاريحي قۇجاتتار نەگىزىندە زەرتتەۋ جانە ناسيحاتتاۋ.
«قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىمەن ءبىز تاۋەلسىزدىكتى، ەلىمىزدىڭ الەۋمەتتىك- ەكونوميكالىق دامۋ جەتىستىكتەرىن، قازاقستاننىڭ حالىارالىق ارەناداعى بەدەلىن بايلانىستىرامىز. ءبىز دامىعان مەملەكەتتەر قاتارىنا ەنۋگە ۇمتىلۋدامىز، مەملەكەت باسشىسى جۇرگىزىپ وتىرعان جاڭارۋ مەن رەفورمالار باسەكەگە قابىلەتتى ەلدەر قاتارىنا ەنۋدىڭ باستى شارتى. ءبىز پارتيا كوشباسشىسى ن. نازاربايەۆقا تىرەك بولۋعا جانە قازاقستاننىڭ يگىلى جولىندا بىرگە جۇمىس ىستەۋگە ءتيىسپىز!»، - دەپ ءۇن تاستادى جاڭا پارتيا مۇشەلەرىنە الماتى اكىمى باۋىرجان بايبەك، ول سونىمەن قاتار الماتى قالاسىنىڭ تاۋەلسىزدىك جىلدارى قولجەتكەن جەتىستىكتەرىنىڭ ءبارى مەملەكەت باسشىسىنىڭ ەسىمىمەن تىكەلەي بايلانىستى ەكەنىن قاداپ تۇرىپ ايتتى.
سالتاناتتى شارا بارىسىندا پارتيا بيلەتتەرىن «تاماشا» تەاترىنىڭ كوركەمدىك جەتەكشىسى اسىلبەك بورانباي، راديوجۇرگىزۋشى ديانا سنەگينا، №140 مەكتەپ–گيمنازيانىڭ پەداگوگى، جىل ءمۇعالىمى گۇلبانۋ ءابجانوۆا، رەپرودۋكتيۆتى مەديسينا ينستيتۋتى باس دارىگەرىنىڭ ورىنباسارى لازات ايتقوجينا، «ABM GROUP» ج ش س باسقارماسىنىڭ ءتوراعاسى ازامات مولداقاسىموۆ، GoSport نەگىزىن قالاۋشى، «Khan Consulting» ءجشس-تىڭ باس ديرەكتورى ءانۋار مانابايەۆ جانە «تراديسيي نارودا سەميرەچيا» قوعامدىق بىرلەستىگىنىڭ پرەزيدەنتى سەمەن شيحوتوۆ الدى.
بۇگىنگى كۇنى جالپى رەسپۋبليكا بويىنشا 1 ميلليونداي پارتيا مۇشەلەرى بار. تەك الماتى قالالىق فيليالىنىڭ وزىندە عانا 90 مىڭ ادامدى بىرىكتىرىپ وتىرعان 750 باستاۋىش پارتيا ۇيىمدارى ويداعىداي جۇمىس ىستەۋدە. پارتيانىڭ قالالىق فيليالى زاڭدىلىقتى جەتىلدىرۋ تۋرالى 30 ۇسىنىس ەنگىزگەن بولاتىن، ونىڭ جارتىسىنان استامى پارلامەن ماجىلىسىندە ماقۇلداندى. پارتيا فيليالىندا كۇن سايىن ون مىڭداي وتىنىمدەر قارالىپ، جۇيەلى شەشىمدەر قابىلدانۋدا. 10 اي ىشىندە مەملەكەتتىك ورگاندارعا 100-دەن استام ۇسىنىس جىبەرىلگەن، ولاردىڭ 80%-ى قابىلداندى.
