بۇگىن الماتىدا ەكى جاڭا ءارى تەگىن مۇز ايدىندارى اشىلدى، ولار قازاقستاننىڭ تۇڭعىش پرەزيدەنتى ساياباعى الدىنا جانە جەلتوقسان كوشەسى مەن ابىلاي حان داڭعىلىنىڭ اراسىنداعى جىبەك جولى كوشەسىنىڭ بويىنا ورنالاسقان. مەگاپوليستە 16 جەلتوقسانعا دەيىن باسقا دا اۋداندانداردا تاعى دا جەتى مۇز الاڭدارى اشىلاتىن بولادى.

مۇز ايدىندارىن قالانىڭ بارلىق قوناقتارى مەن تۇرعىندارى تاۋلىگىنە 24 ساعات بويى پايدالانا الادى. سىرعانايتىن جەرلەردە كەلۋشىلەر ءۇشىن تاماقتاناتىن ورىندار مەن كونكييلەردى جالعا الۋ ۇيىمداستىرىلعان.كونكييلەردى 1 ساعاتقا جالعا الۋ قۇنى 600 تەڭگە. جالعا بەرۋ ورىندارى جاي كۇندەر تاڭعى ساعات 10-نان تۇنگى 22.00-گە دەيىن، ال دەمالىس كۇندەرى كۇندىزگى ساعات 12.00 دەن 00.00-گە دەيىن ىستەيدى.

«مۇز، بالالار، سپورت الاڭدارى قالالىقتاردىڭ تازا اۋادا سپورتپەن شۇعىلدانۋلارىنا جاقسى جاعداي جاسايدى. مۇز ايدىندارىنا ءوز كونكييلەرىمەن كەلىپ، وتباسىمەن بىرگە سىرعاناۋعا بولادى»، - دەپ اتاپ ءوتتى الماتى اكىمى ب.بايبەك.

ايتا كەتەرلىگى، الماتىدا سوڭعى ەكى جىلدا 732 اۋلا الاڭدارى اباتتاندىرىلدى. بۇل - قالاداعى ءاربىر بەسىنشى اۋلا.«مەنىڭ اۋلامداعى سپورت» باعدارلاماسى اياسىندا 6 مىڭ بالا كاسىبي نۇسقاۋشىلارمەن بىرگە اۋلالارداعى 75 سپورت الاڭدارىندا جاتتىعۋدا. 2020 جىلعا دەيىن قالانىڭ بارلىق 600 سپورت الاڭىن قامتۋ جوسپارلانعان.