«پارىز» رەسپۋبليكالىق كونكۋرسىندا ەۋرازيالىق توپ بيزنەستىڭ الەۋمەتتىك جاۋاپكەرشىلىگى بويىنشا گران-پري يەگەرى اتاندى. بۇل جوعارى ماراپاتتى قازاقستان رەسپۋبليكاسى پرەزيدەنتى نۇرسۇلتان نازاربايەۆ بۇگىن Eurasian Resources Group ديرەكتورلار كەڭەسىنىڭ ءتوراعاسى الەكساندر ماشكيەۆيچكە تابىستادى.
«بۇگىن مەملەكەت باسشىسىنىڭ قولىنان وسىنداي جوعارى ماراپاتقا يە بولعانىمىزعا وتە قۋانىشتىمىز، ءارى نۇرسۇلتان ءابىش ۇلى نازاربايەۆقا بىزگە وسىنداي باعا بەرىپ، قولداۋ كورسەتكەنى ءۇشىن ريزاشىلىعىمىزدى بىلدىرەمىز. ەۋرازيالىق توپقا «پارىز» بايقاۋىنىڭ گران-پريىنىڭ بەرىلۋى تۇراقتى دامۋ سالاسىنداعى جانە الەۋمەتتىك جاۋاپكەرشىلىكتەگى ءبىزدىڭ تاڭداعان ستراتەگيامىزدىڭ دۇرىستىعىن دالەلدەيدى. ەلباسى جاريالاعان قازاقستاننىڭ ءۇشىنشى جاڭعىرۋىنىڭ ءتورتىنشى باسىمدىعىنا سايكەس، Eurasian Resources Group ادامي كاپيتالدىڭ ساپاسىن كوتەرۋ ارقىلى ءوزىنىڭ الەۋمەتتىك قىزمەتىن ودان ءارى جالعاستىرادى»، - دەدى ERG ديرەكتورلار كەڭەسىنىڭ ءتوراعاسى الەكساندر ماشكيەۆيچ.
ايقىن كورسەتكىشتەردىڭ ءبىرى – كومپانيانىڭ 2012-2016 جىلدارداعى الەۋمەتتىك ينۆەستيسيالارى 100 ملرد تەڭگەدەن استى. وسى كەزەڭدە ERG كومپانياسى جۇمىسشىلاردى الەۋمەتتىك قورعاۋعا جانە الەۋمەتتىك سالانى قامسىزداندىرۋعا 47 ملرد تەڭگەدەن استام قارجى جۇمسادى. وسىلايشا، ەۋرازيالىق توپ الەۋمەتتىك ارىپتەستىك ينستيتۋتىن دامىتۋعا، ءارى ەڭبەك ۇجىمدارىندا كەلىسىم پەن تۇراقتىلىقتى ساقتاۋعا ىقپال ەتەدى.
ەۋرازيالىق توپ 2015 جىلى ءوز قىزمەتكەرلەرى ءۇشىن «قازاقستان يپوتەكالىق كومپانياسى» اق-مەن جالدامالى تۇرعىن ءۇيدى جۇزەگە اسىرۋ تۋرالى كەلىسىمگە قول قويدى. بۇدان بولەك، توپ كاسىپورىندارىندا دەنساۋلىق ساقتاۋ مەن كاسىبي اۋرۋلاردىڭ الدىن-الۋ، قىزمەتكەرلەردىڭ بىلىكتىلىگىن ارتتىرۋ بويىنشا ءتيىمدى باعدارلاما جۇزەگە اسىرىلۋدا.
«سوڭعى بەس جىلدا 27 مىڭنان استام ادام ءبىلىمىن جەتىلدىردى. وسى ماقساتتاردا ERG 2012-2016 جىلدارى 3،6 ميلليارد تەڭگەدەن استام قارجى سالدى. توپتىڭ ءاربىر دەرلىك كومپانياسىندا وزدەرىنىڭ وقۋ ورتالىقتارى قىزمەت ەتۋدە»، - دەپ حابارلايدى كومپانيانىڭ باسپا ءسوز قىزمەتى.
كورپوراسيا سونداي-اق، ءوز كاسىپورىندارى جۇمىس ىستەيتىن وڭىرلەردە 62 ءبىلىم بەرۋ مەكەمەسىمەن بىرلەسە ءدۋالدى ءبىلىم بەرۋ جۇيەسى بويىنشا كادرلار دايارلاۋعا اتسالىسۋدا. تەك قانا 2013-2016 جىلدارى توپتىڭ كاسىپورىندارىنا 2500-دەن استام تۇلەك جۇمىسقا ورنالاستى، وندىرىستە شامامەن 11 000 ادام تاجىريبەدەن ءوتتى.
ەۋرازيالىق توپتىڭ الەۋمەتتىك ينۆەستيسيالارىنداعى جەكە بلوك – دەمەۋشىلىك جانە قايىرىمدىلىق. وسى ماقساتتارعا سوڭعى بەس جىلدا ERG 53 ملرد تەڭگەدەن استام قاراجات جۇمسادى.
كومپانيا جىل سايىن ءوز كاسىپورىندارى ورنالاسقان ءتورت وبلىس – اقتوبە، قاراعاندى، قوستاناي جانە پاۆلوداردا ماڭىزدى الەۋمەتتىك-ەكونوميكالىق جوبالاردى جۇزەگە اسىرادى. وسى ايماقتاردىڭ اكىمدىكتەرىمەن ءوزارا ىنتىماقتاستىق تۋرالى مەموراندۋمدارعا قول قويىلىپ كەلەدى. سونداي-اق، ستراتەگيالىق «تۋعان جەر – رودنىە گورودا» باعدارلاماسىن ىسكە قوستى. ونىڭ نەگىزگى ماقساتى - ERG كومپانيالارى جۇمىس ىستەيتىن وڭىرلەردەگى جۇمىسشىلار مەن بۇكىل قوعامنىڭ يگىلىگى ءۇشىن، توپتىڭ الەۋمەتتىك ينۆەستيسيالارىنىڭ بارىنشا ءتيىمدى جۇمىس ىستەۋى
تەك 2016 جىلى ەۋرازيالىق توپ «ءوز» وبلىستارىنىڭ اكىمدىكتەرىمەن جالپى سوماسى 5،1 ملرد تەڭگە بولاتىن مەموراندۋمدارعا قول قويدى. بيىلعى جىلى وسى ينۆەستيسيالاردىڭ كولەمى 7 ملرد تەڭگەگە دەيىن ءوستى.
