الماتى اكىمى باۋىرجان بايبەك ەلباسىنىڭ تاپسىرماسى بويىنشا 2017 جىلدىڭ قالادا «جاستار جىلى» بولىپ جاريالانعانىن ايتتى. جاستار ءومىرىن تەرەڭ زەرتتەۋ بارىسىندا ناقتىلى رەسۋرس كوزدەرىنە نەگىزدەلگەن ءارى ناقتىلى شارالاردى قامتىعان العاشقى «2020 جىلعا دەيىن جاستاردى قولداۋدىڭ قالالىق جول كارتاسى» قابىلداندى.
«ءبىز قاشاندا جاستار- قازاقستاننىڭ بولاشاعى، ەلىمىزدى دامىتۋدىڭ قوزعاۋشى كۇشى دەپ ايتامىز. تاۋەلسىزدىگىمىزدىڭ ەرەن جەتىستىكتەرى، ەلباسى ەڭبەگىنىڭ جەمىسى جاستاردىڭ قولىندا. سوندىقتان مەملەكەت باسشىسى ءوز ساياساتىنىڭ باستى ءمانى جاستارعا قامقورلىق ەكەنىن ۇنەمى ايتىپ كەلەدى. ءبىلىم، جۇمىس، تۇرعىن ءۇي،دەمالىس. وسىناۋ ماڭىزدى ماسەلەلەردى دۇرىس شەشۋ جاس ازاماتتاردى قولداپ قانا قويماي، ولاردىڭ قالىپتاسۋىنا ويداعىداي ىقپال ەتەدى. ءبىزدىڭ باستى مىندەتىمىز – جاستاردىڭ ءوز مۇددەلەرى مەن الەۋەتتەرىن جۇزەگە اسىرۋلارىنا جاعداي جاساۋ»، -دەدى ب.بايبەك.
الماتى اكىمى مەملەكەت باسشىسىنىڭ جاستارعا قولداۋ كورسەتۋ جونىندەگى تاپسىرماسىن ورىنداۋ بارىسىندا جاستار ءۇشىن ءتيىمدى ينفراقۇرىلىمنىڭ پايدا بولعانىن، ناقتىلى شارالاردىڭ ىسكە اسقانىن ايتتى.
مىسالى، «رۋحاني جاڭعىرۋ» باعدارلاماسى اياسىندا «ءبىر تەرەزە» قاعيداسى بويىنشا جۇمىس ىستەيتىن ءارى كارەرانى، ەرىكتىلەردى، جاتاقحانا كۋراتورلىعىن، قالاعا كەلگەن جاستارمەن جۇمىس جۇرگىزۋدى قامتىعان لوفت- ورتالىقتىڭ العاشقى كەزەگى اشىلدى.
كارەرا ورتالىعى كوممۋنيكاسيالىق كانالعا اينالدى، جاستار ودان قالاداعى بوس جۇمىس ورىندارى تۋرالى اقپارات الىپ، سونىڭ ارقاسىندا بۇگىنگى كۇنى 8 مىڭنان استام ادام جۇمىسقا تارتىلدى. 2،5 مىڭ جاس تەحنيكالىق جانە كاسىبي تەگىن ءبىلىم الۋدا، تاعى 3 مىڭ جاس قاجەت اماماندىقتار بويىنشا قىسقا مەرزىمدى كۋرستارعا قاتىسۋدا.
2017 جىلى پيلوتتى رەجيمدە «الماتى جاستارى» تۇرعىن ءۇي باعدارلاماسى قولعا الىندى، ونى جۇزەگە اسىرۋعا جەرگىلىكتى بيۋدجەتتەن 1 ملرد. تەڭگە ءبولىندى.35 جاسقا دەيىنگى الماتىلىقتار پاتەر الۋ ءۇشىن جەڭىل ءزاوم الۋىنا بولادى. بۇگىنگى كۇنى 6،6 مىڭنان استام ءوتىنىم تۇسكەن. جىل اياعىنا دەيىن جاس وتباسىلارعا 100 پاتەر كىلتىن تاپسىرۋ جوسپارلانعان.
جاتاقحانالار جەتىسپەۋشىلىگىن ەسكەرە وتىرىپ «الماتى» اكك ۇك» اق-نىڭ قارجىلاندىرۋىمەن جاتاقحانا سالىنادى. بۇگىنگى كۇنى ءبىرقاتار جوو-مەن، جەكە كاسىپكەرلەرمەن ىنتىماقتاستىق تۋرالى مەموراندۋمعا قول قويىلدى. «رۋحاني جاڭعىرۋ» باعدارلاماسى اياسىندا 2000 ورىندى 4 جاتاقحانا قۇرىلىسى اياقتالىپ قالدى. كەلەر جىلدان باستاپ 2،4 مىڭ ورىندى تاعى ەكى جاتاقحانا قۇرىلىسى باستالادى.
الماتى اكىمى جاستاردى قولداۋدىڭ جول كارتاسى بارىسىندا جاستاردى بەيىمدەۋگە ايرىقشا ءمان بەرىلگەندىگىن ايتتى. مىسالى، وزگە وڭىرلەردەن قالاعا كەلگەن جاستار ينتەگراسياعا ۇشىرايدى. قازىرگى كەزدە بەيىمدەۋ جۇمىسىمەن لوفت- ورتالىق، اۋداندىق ورتالىقتار اينالىسۋدا. «دۇيسەنبىلىك فۋتبول» جوباسى يگى ناتيجە بەرۋدە، بيىل بۇعان قالانىڭ 52 بازارىندا جۇمىس ىستەيتىن جاستاردىڭ 40 كومانداسى قاتىستى.
باۋىرجان بايبەك ءوزىنىڭ سوزىندە بيىلعى جىلدىڭ جاستارعا ارنالعانىن، قالادا قولداۋ مەن ايرىقشا نازاردى قاجەت ەتەتىن وزگە دە ازاماتتاردىڭ بار ەكەنىن، سوندىقتان قالا بيلىگىنىڭ كۇش-جىگەرى اعا ۇرپاقتى قولداۋعا جۇمسالاتىنىن اتاپ ءوتتى.
جاستار فورۋمى اياسىندا «جاستار جالىنى» سىيلىعىنىڭ جۇلدەگەرلەرىن ماراپاتتاۋ ءراسىمى ءوتتى
سونىمەن، «ۆولونتەرلەر ليگاسى» قق-نىڭ ءتوراعاسى ءازيز قاجدەنبەك «جىل ۆولونتەرى»، «RUMI GROUP» باسقارۋشى سەرىكتەسى قۋانىش شوڭباي «جاس كاسىپكەر» نوميناسيالارى بويىنشا جەڭىمپاز اتاندى.
جىل سپورتشىسى جانسايا ابدىمالىك «سپورت ساڭلاعى» سىيلىعىن يەلەندى. حالىقارالىق بيزنەس ۋنيۆەرسيتەتىنىڭ الەۋمەتتىك دامۋ بويىنشا پرورەكتورى قايىرجان مەڭدىعالييەۆ ۇزدىك «جاس تالىمگەر» اتاندى.بوستاندىق اۋدانى حقكو-نىڭ قۇجاتتار قابىلداۋ بويىنشا مامانى يرينا كۋحارسكايا «ەل قىزمەتشىسى» ماراپاتىنا يە بولدى.
«مەيىرىمدى جۇرەك» نوميناسياسى «قايىرىمدى جاندار» ەرىكتىلەر توبىن قۇرۋشى ايدىن توقسانبايەۆقا بۇيىردى. جىل بەلسەندىسى رەتىندە «بەلسەندى جاس» سىيلىعىن «G38» كلۋبىنىڭ جەتەكشىسى ايسۋلۋ ەرنيازوۆا الدى.
«شابىت» نوميناسياسى بويىنشا ديزاينەر، سۋرەتشى كريستينا دەپۋتاتوۆا جەڭىمپاز اتاندى ايان قالمۇرات «بەلسەندى بلوگەر» اتاۋىنا يە بولدى.«جاس وتباسى» سىيلىعى «جاستار ءۇنى» بىرلەستىگىنىڭ باسشىسى داۋرەن بابامۇراتوۆقا بەرىلدى.
