پارانورمال قۇبىلىستارمەن اينالىساتىن ماماندار ۆيدەودا ەلەستىڭ دالىزدە جۇگىرگەنى انىق كورىنگەنىن ايتادى، - دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ. ۆيدەونى ەلەس اڭدۋشىلار يوركشير گرافتىعىنداعى قاراۋسىز قالعان ءزاۋلىم ۇيلەردىڭ بىرىندە تۇسىرگەن. بۇل ءۇي XVII عاسىردا سالىنعان ەكەن.
"ءبىز ونى كورگەن جوقپىز، تەك جازبانى تەكسەرە كەلە بايقادىق. ۆيدەودا قارا كولەڭكە سياقتى بەينەنىڭ وپەراتورعا قاراپ تۇرىپ، كەيىن قاشىپ كەتكەنى كورىنەدى. جەرگىلىكتى تۇرعىندار بۇل ءزاۋلىم ۇيدە تۇسىنىكسىز جايتتار بولاتىنىن ەسكەرتكەن، راسىندا دا سولاي ەكەن"، - دەيدى مامانداردىڭ ءبىرى مارك ۆەرنون.
سونىمەن قاتار، 51 جاستاعى مارك كوماندانىڭ تاعى ءبىر مۇشەسى وزگە بولمەگە كىرگەندە كامەراعا وكىرگەن داۋىس جازىلعانىن ايتادى.
الايدا جەلى قولدانۋشىلارىنىڭ كوبى مۇنى ەلەس ەمەس، جاي عانا كولەڭكە نەمەسە كامەرا وبەكتيۆىنە تۇسكەن ساۋلەنىڭ شاعىلىسۋى ەكەنىنە سەنىمدى.
