قازاقستاندا سپيد اۋرۋلارىنان گورى تۋبەركۋلەز اۋرۋىنا شالدىعىپ، قايتىس بولاتىنداردىڭ سانى ارتىپ كەلەدى. بۇل تۋرالى «ستوپ تب» سەرىكتەستىگىنىڭ اتقارۋشى حاتشىسى لۋچيكا ديتيۋ ورتا ازيا ەلدەرى بويىنشا تۋبەركۋلەزدى شەكارالىق باقىلاۋ كەڭەسىندە مالىمدەدى، دەپ جازادى Qamshy.kz اقپارات اگەنتتىگى.

ونىڭ سوزدەرىنە سۇيەنسەك، تۋبەركۋلەز الەم بويىنشا ينفەكسيالىق اۋرۋلاردىڭ كوشىن باستاپ تۇر. وزىق تەحنولوگيا مەن مەديسينانىڭ دامۋىنا قاراماستان جاعداي ەش وزگەرىسسىز.

ديتيۋدىڭ ايتۋىنشا، بارلىق اۋرۋلاردىڭ 10%-ى ميگرانتتارعا تيەسىلى، سوندىقتان اۋرۋلاردى باقىلاۋ قيىنعا تۇسەدى. ىس-ارەكەتتىڭ تيىمدىلىگىن ارتتىرۋ ماقساتىندا استانا ورتا ازيا ەلدەرىمەن ديالوگ قۇرعان.

شارا بارىسىندا قاتىسۋشىلار تۋبەركۋلەزبەن كۇرەس ماسەلەلەسىن تالقىلادى. «تۋبەركۋلەزدى جويۋ» ددسۇ ستراتەگياسىن جۇزەگە اسىرۋ ماسەلەسى كوتەرىلدى.    

فتيزيوپۋلمونولوگيا ۇلتتىق عىلىمي ورتالىعىنىڭ ديرەكتورى مالىك ادەنوۆتىڭ سوزىنشە، 2017 جىلى تۋبەركۋلەزبەن اۋراتىن 9 مىڭ ادام تىركەلدى. قازاقستاندا 100 مىڭ ادامعا شاققاندا ونىڭ 52ء-سى تۋبەركۋلەز اۋرۋىنا شالدىققان.

2017 جىلدىڭ تامىزىندا ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى سوڭعى 10 جىلدا تۋبەركۋلەز اۋرۋىنان كوز جۇماتىنداردىڭ سانى 5 ەسەگە ازايعانىن حابارلاعان.

2016 جىلدىڭ 31 مامىرىندا قازاقستاندا تۋبەركۋلەزدەن ەمدەلۋگە باس تارتىپ جۇرگەن 68 ادام ىزدەستىرىلگەن. باس پروكۋراتۋرا اۋرۋعا شالدىققان ادامداردىڭ جاۋاپكەرشىلىگى دە مىقتى بولۋ كەرەك ەكەنىن جەتكىزگەن ەدى، سەبەبى جۇقپالى اۋرۋدىڭ وزگە ادامدارعا تاراپ كەتپەۋى ماڭىزدى.