الماتىدا ءقاۋىپتى قىلمىسكەر ۇستالدى، ول ءۇش ايەلدى ولتىرگەنىن مويىندادى. سوڭعىسىن قاشىپ جۇرگەندە جولىقتىرىپ قالعان دەپ حابارلايدى Qamshy.kz اقپارات اگەنتتىگى sputniknews.kz-كە سىلتەمە جاساپ.  كەشە كەشكە ول جاياۋ جۇرگىنشىنىڭ تاماعىنان ورىپ جىبەرگەن.

الماتى پوليسەيلەرى ءبىر اپتا بۇرىن جەتىسۋ اۋدانىندا ءاپالى-سىڭلىلى ەكى ايەلدى جانە كەشە كەزدەيسوق ءوتىپ بارا جاتقان قىزدى ولتىرگەن "جان العىشتى" ۇستادى. ول قىلمىس جاساعانىن بىردەن مويىنداعان.  

اقپاراتتى الماتى ءىىد راستادى.  

"7 جەلتوقسانعا قاراعان ءتۇنى الماتى قالاسى ءىىد قىلمىستىق پوليسيا باسقارماسىنىڭ قىزمەتكەرلەرى قالانىڭ ەكى تۇرعىنىمەن بىرگە سپيرتتىك ىشىمدىك ءىشىپ، تۇرمىستىق جانجال كەزىندە ولاردى ءولتىردى دەگەن كۇدىكپەن پ. ەسىمدى ازامات ۇستالدى. بەلگىلى بولعانداي، 1994 جىلى تۋعان قىزدى دا ولتىرگەن بولىپ شىقتى"، — دەپ جازىلعان حابارلامادا.  

الدىن الا مالىمەت بويىنشا، سوڭعى قىلمىس رايىمبەك داڭعىلى مەن بوكەيحان كوشەسىنىڭ قيىلىسىنا جاقىن ماڭدا كەشە كەشكى ساعات توعىز شاماسىندا جاسالعان. قىلمىسكەر سول جەردەن ءوتىپ بارا جاتقان قىزدى زورلاماق بولعان.   

ول قىزدى قانداي دا ءبىر سەبەپپەن زورلاي الماعان. قانىشەر شىنىنىڭ سىنىعىمەن ونىڭ تاماعىنان ورىپ جىبەرگەن. قىز سول جەردە كوز جۇمادى. قىلمىسكەر ونىڭ تەلەفونىن الىپ، قىلمىس بولعان جەردەن كەتىپ قالعان، سودان سوڭ "جەدەل جاردەم" مەن پوليسياعا قوڭىراۋ شالىپ، قانعا بوگىپ جاتقان قىزدى كورگەنىن، دارىگەرلەر ءومىرىن اراشالاپ قالۋى مۇمكىن ەكەنىن ايتقان. قىلمىس بولعان جەر ءدال ايتىلماعاندىقتان دارىگەرلەر مەن قۇقىق قورعاۋ ورگاندارىنىڭ قىزمەتكەرلەرى ونى كەم دەگەندە 40 مينۋت ىزدەگەن. قىز تابىلعان كەزدە ول قايتىس بولىپ كەتكەنى انىقتالدى.      

پوليسەيلەر قىلمىسكەردى قالا شەتىندە ورنالاسقان شاعىن اۋدانداردىڭ بىرىنەن ءىزىن سۋىتپاي ۇستادى.  

ۇستالعان ادام بىردەن ءبىر ەمەس، ءۇش قىلمىس جاساعانىن مويىندادى.  جەتىسۋ اۋدانىنداعى جەكە ۇيلەردىڭ بىرىندە 2 جەلتوقسانعا قاراعان ءتۇنى جانتۇرشىگەرلىك قىلمىس جاسالعان بولاتىن. ول كەزدە ءاپالى-سىڭلىلى ايەلدەردى بەلگىسىز بىرەۋ بىرنەشە جەردەن پىشاقتاپ كەتكەن ەدى.

بىرنەشە كۇن بۇرىن پوليسەيلەر 34 جاستاعى ەر ادامعا ىزدەۋ جاريالادى.