كحدر سولداتى ءوز ەلىنەن وڭتۇستىك كورەياعا قاشپاق بولعان. الايدا وسى كەزدە وعان سولتۇستىك كورەيالىق سولداتتار وق جاۋدىرىپ ناتيجەسىندە ەر ادام جارالانىپ قالعان.  بۇل تۋرالى Qamshy.kz اقپارات اگەنتتىگى Life-قا سىلتەمە بەرىپ حابارلايدى.

وڭتۇستىك كورەيا جاعى سولداتقا كومەكتەسىپ ونى اۋرۋحاناعا جەتكىزگەن. دارىگەرلەر ءتيىستى زەرتتەۋلەردى جۇرگىزگەن سوڭ، ەر ادام اعزاسىنان پارازيتتەر تابىلعان.

وڭتۇستىك كورەيالىق دارىگەر ءوزىنىڭ تاجىريبەسىندە مۇنداي سۇمدىق جاعدايدى كەزدەستىرمەگەنىن ايتادى. «20 جىلدىق تاجىريبەمدە مۇندايدى كورگەن جوقپىن. ونىڭ اعزاسىندا 26 سانتيمەتر ۇزىندىقتاعى پارازيتتەر بولعان. باسىنان وتكەرگەن جاعدايلاردان كەيىن ونىڭ ءتىرى قالۋى ەكىتالاي ەدى»،-دەيدى ول.

دارىگەرلەردىڭ ايتۋىنشا، پارازيتتەر سولدات ىشىنە بۇزىلعان تاعام ارقىلى ەنۋى مۇمكىن ەدى. سولتۇستىك كورەيادا ازىق-تۇلىكتەردى ءوسىرۋ كەزىندە ونى ادام  ناجىسىمەن  تىڭايتادى دەيدى ولار. ەگەر ازىق-تۇلىكتى ارنايى زاتتارمەن تىڭايتپاسا، پارازيتتەر ادام اعزاسىنا كوكونىستەردى جەگەن كەزدە ەنۋى مۇمكىن ەكەن.