اعىمداعى جىلدىڭ 8 جەلتوقسانىندا استانا قالاسىندا ۇقك ءتوراعاسى كارىم ءماسىموۆ قازاقستان رەسپۋبليكاسى تەرروريزمگە قارسى ورتالىعىنىڭ كەزەكتى وتىرىسىن وتكىزدى، — دەپ حابارلايدى Qamshy.kz اقپارات اگەنتتىگى كوميتەتتىڭ باسپا ءسوز قىزمەتىنە سىلتەمە جاساي وتىرىپ. 

كونسۋلتاسيالىق-كەڭەسشى ورگاننىڭ جۇمىسىنا قاۋىپسىزدىك كەڭەسى حاتشىسىنىڭ ورىنباسارى ءا.ق. ءابدىمومىنوۆ، باس پروكۋرور ج.ق. اسانوۆ، مينيسترلىكتەر مەن ۆەدومستۆولاردىڭ باسشىلارى، سونداي-اق اتىراۋ جانە ماڭعىستاۋ وبلىستارىنىڭ اكىمدەرى قاتىستى.

كاسپيي تەڭىزىنىڭ قۇرلىق قايراڭى شەگىندە ورنالاسقان وبەكتىلەرگە قاتىستى تەرروريستىك قاۋىپ-قاتەرلەرگە دەن قويۋعا مەملەكەتتىك ورگانداردىڭ ازىرلىگى ماسەلەلەرى تالقىلاندى.

تەرروريزمگە قارسى ورتالىقتىڭ باسشىسى تقو-نىڭ 2017 جىلعى جۇمىسىن قورىتىندىلادى جانە كەلەسى جىلعا ارنالعان ءبىرىنشى كەزەكتەگى مىندەتتەردى بەلگىلەدى.

تقو وتىرىسىنىڭ ناتيجەلەرى بويىنشا ءبىرقاتار حاتتامالىق شەشىمدەر قابىلداندى.