شىمكەنتتەگى رەسپۋبليكا داڭعىلىنداعى №31ء-شى كوپ قاباتتى ءۇيدىڭ بىرىنەن 4 ادامنىڭ ءولى دەنەسى تابىلدى دەپ حابارلايدى Qamshy.kz اقپارات اگەنتتىگى tvk-uko.kz-كە سىلتەمە جاساپ. ونىڭ ۇشەۋى كامەلەت جاسقا تولماعاندار. كوز جۇمعانداردىڭ ىشىندە 4 جاستاعى قىز، 12 مەن 13 جاستاعى بالالار جانە ولاردىڭ اجەسى بار.

كورشىلەر مەن تۋىستارى بالالار مەن ولاردىڭ اجەسىنىڭ ۇزاق ۋاقىت ۇيدەن شىقپاعانىن بايقاعان. تۋىستارى الاڭداپ، دابىل قاقتى. ولار پوليسيا مەن تج قۇتقارۋشىلارىن شاقىرعان. قۇتقارۋشىلار ەسىكتى اشقاندا قورقىنىشتى كورىنىستىڭ كۋاسى بولدى. 3 بالا مەن ءبىر ەرەسەك ادام 2،3 كۇن بۇرىن قايتىس بولعان بولۋى مۇمكىن.

وتباسى پاتەردى  جالداپ تۇرعان. ولار گازدان ۋلانىپ كوز جۇمۋى مۇمكىن دەگەن بولجام بار. ءقازىر تەكسەرۋ جۇمىستارى جۇرگىزىلىپ جاتىر.