ەليسەي سارايىندا قازاقستان رەسپۋبليكاسىنىڭ ەلشىسى جان عالييەۆ فرانسۋز رەسپۋبليكاسىنىڭ پرەزيدەنتى ەممانۋەل ماكرونعا سەنىم گراموتاسىن تاپسىردى، دەپ جازادى Qamshy.kz اقپارات اگەنتتىگى.

اڭگىمەلەسۋ بارىسىندا ەلشى قازاقستان پرەزيدەنتى نۇرسۇلتان نازاربايەۆتىڭ فرانسۋز كوشباسشىسىن استاناعا ساپارمەن كەلۋگە شاقىرۋىن راستادى. ە. ماكرون ونى العىسپەن قابىلدادى. ج. عالييەۆ ەكى مەملەكەت اراسىندا 25 جىلدان استام ديپلوماتيالىق قاتىناستارى ارقاسىندا ءوزارا ءتيىمدى جانە سەنىمدى ىنتىماقتاستىقتىڭ دامۋىن اتاپ ءوتىپ، بۇگىندە ەلدەرىمىز ستراتەگيالىق سەرىكتەس بولعانىن ايتتى. ول الداعى ۋاقىتتا ارەكەتتەسۋدىڭ بارلىق سالالارىن كەڭەيتۋ مەن نىعايتۋ، سونداي-اق ونى جاڭا ساپالى مازمۇنمەن تولتىرۋ قاتىناسىندا كەرەكتى كۇش سالىنادى دەپ سەندىردى.

پرەزيدەنت ە. ماكرون الەمدىك جانە وڭىرلىك ءمانى بار وزەكتى ماسەلەلەردى شەشۋدەگى قازاقستان ءرولىنىڭ ءوسىپ جاتقاندىعىن جوعارى باعالادى. ول استانادا سيرياارالىق كەلىسسوزدەر جۇرگىزۋدىڭ ماڭىزدىلىعىن جەكە اتاپ ءوتتى.

فرانسيا كوشباسشىسى 2018 جىل ستراتەگيالىق سەرىكتەستىك تۋرالى شارتىنا قول قويىلعانىنىڭ 10 جىلدىعىنا ارنالاتىنىن اتاپ ءوتتى، سونىمەن قاتار ونى ەكىجاقتى فورماتتا، سونداي-اق حالىقارالىق ۇيىمدار شەڭبەرىندە قارقىنداتۋدى قولدايتىنىن ايتىپ ءوتتى.

اڭگىمەلەسۋ قورىتىندىسى رەتىندە ە. ماكرون پرەزيدەنت ن. نازاربايەۆقا جىلى سالەم جولداپ، جاقىن ۋاقىتتا قازاقستان كوشباسشىسىمەن كەزدەسۋ ءۇمىتىن ءبىلدىردى.