Facebook الەۋمەتتىك جەلىسى كۇماندى جاڭالىقتارعا ەرەكشە بەلگى قويۋدى دوعاراتىن بولادى. سەبەبى سونداي بەلگىگە بولا جۇرت جالعان (فەيك) جاڭالىقتارمەن كوبىرەك بولىسە باستاعان، دەپ جازادى Qamshy.kz اقپارات اگەنتتىگى ازاتتىققا سۇيەنىپ.
بۇل تۋرالى Facebook كومپانياسىنىڭ بلوگىندا ايتىلعان. كومپانيا الەۋمەتتىك جەلىگە جۇرگىزگەن زەرتتەۋ قورىتىندىسى بويىنشا ادامدار قىزىل تۇسپەن ارنايى بەلگى قويىلعان جاڭالىقتاردى ماڭىزدى حابار رەتىندە قابىلداعان.
كومپانيا ەندى جالعان جاڭالىقتاردى بەلگىلەۋدىڭ جاڭا الگوريتمىن ىسكە قوسپاقشى. ياعني كۇماندى جاڭالىقتىڭ استىنان وزگە دەرەك كوزدەرىنەن الىنعان تاعى بىرنەشە جاڭالىق كورىنىپ تۇراتىن بولادى. جاڭا جۇيەنى سىناپ كورۋگە فاكچەكينگ بويىنشا ماماندانعان وزگە كومپانيالار دا قاتىسقان.
وتكەن جىلى Facebook الەۋمەتتىك جەلىسى جالعان جاڭالىقتارعا قارسى كۇرەس كامپانياسىن باستاعان. ءىرى اقپاراتتىق اگەنتتىكتەر الەۋمەتتىك جەلىگە كۇماندى جاڭالىقتاردى بەلگىلەۋگە بەلسەندى تۇردە كومەكتەسكەن. قازىرگى كەزدە Facebook كومپانياسى 2016 جىلعى اقش پرەزيدەنتى سايلاۋىنا رەسەيدىڭ ىقتيمال ارالاسۋىنا بايلانىستى اقش سەناتى جۇرگىزىپ جاتقان تەكسەرۋگە دە اتسالىسىپ وتىر.
