باق-تىڭ مالىمەتىنشە، بۇعاتتالعان سومما ۇلتتىق قوردىڭ  بارلىق قارجىسىنىڭ 40% قۇرايدى دەپ حابارلايدى Qamshy.kz اقپارات اگەنتتىگى 4-traders.com-عا سىلتەمە جاساپ.

نيۋ-يورك بانكى (BNY Mellon) $22 ميلليارد كولەمىندەگى قازاقستاننىڭ ۇلتتىق قور اكتيۆتەرىن بۇعاتتادى. وعان مولداۆيالىق كاسىپكەر اناتوليي ءستاتيدىڭ شاعىمى مەن ونىڭ قازاقستان ۇكىمەتىنە قارسى كومپانيالارى  سەبەپ بولعان.

قازاقستاننىڭ ۇلتتىق بانكى  BNY Mellon-عا قارسى ارىزداندى. Reuters اگەنتتىگىنىڭ حابارلاۋىنشا، بريتاندىق سوت اتالمىش ىسكە قاتىستى شەشىمدى بەيسەنبىدە شىعارۋى قاجەت.

بۇعان دەيىن باق-تا ەۋروپادا قازاقستانعا تيەسىلى، ءبىراق شەتەلدە تىركەلگەن كومپانيالارعا  سوت شەشىمىمەن شوتتارى بۇعاتتالعان.

امستەردام سوتى امەريكالىق بانكتىڭ گوللانديالىق فيليالىنا بەرىلگەن قازاقستاننىڭ ۇلتتىق قورىنىڭ قارجىسىن بۇعاتتاۋعا رۇقسات بەردى. ادىلەت مينيسترلىگىنىڭ مالىمەتىنشە، سوڭعى 4 جىلدا قازاقستان بىرنەشە شەتەلدىك سوت پروسەستەرىنە تارتىلدى. وعان مولدوۆا ازاماتى اناتولي ستاتي جانە ونىڭ بالاسى گابريەل ءستاتيدىڭ  ارىزى سەبەپ.