ايەلدەر ءۇشىن ءقاۋىپتى ەلدەردىڭ ءتىزىمى جاريالاندى — دەپ حابارلايدى Qamshy.kz اقپارات اگەنتتىگى. 

5-ورىن: ورتالىق افريكا رەسپۋبليكاسى. 2012 جىلى اتالعان ەلدە ازاماتتىق سوعىس باستالدى. ءقازىر ەلدى ۋاقىتشا ۇكىمەت باسقارۋدا. سوعىسقا دەيىن ورتالىق افريكا رەسپۋبليكاسى ايەلدەردىڭ ءولىم كورسەتكىشى بويىنشا 3ء-شى ورىندا تۇرعان، ءقازىر دە جاعداي جاقسارىپ تۇرعان جوق. بۇل ەلدە ايەل ادامدى باقسىلىعى ءۇشىن سوتتاپ، ءتىپتى زورلاپ، قۇل رەتىندە ساتا الادى.

4-ورىن: پاكىستان. 2011 جىلى 1000-عا جۋىق ايەلدى ءوزىنىڭ جاقىنى ولتىرگەنى بەلگىلى بولدى. اتالعان قىلمىستى جەرگىلىكتى تۇرعىندار نامىس ءۇشىن ءولتىرۋ دەپ تۇسىنەدى. ەگەر ايەل ادام وتباسىنىڭ اتىنا كىر كەلتىرگەن بولسا ونى ءوزىنىڭ جاقىن تۋىستارى ولتىرەدى. بۇل قۇبىلىس ءالى دە جالعاسىپ كەلەدى. پاكىستاندىق ايەلدەردىڭ 90%-ى تۇرمىستىق زورلىق-زومبىلىقتىڭ قۇربانى بولىپ تابىلادى.

3-ورىن: يەمەن. يەمەندەگى ايەلدەردىڭ كوبىسى ساۋاتسىز جانە شاريعات تالابىن ورىنداۋعا ءماجبۇر بولادى. سونىمەن بىرگە ايەلدەردىڭ 99%-ى كوشەدەگى زورلىقتىڭ قۇربانى بولعانى انىقتالعان. ەڭ سوراقىسى اتالعان ەلدە كامەلەتكە تولماعان جاس قىزداردى اتا-اناسى اقشا ءۇشىن كۇيەۋگە بەرەدى. 10 جاستاعى قىزدى ءوزىنىڭ ەركىنەن تىس كۇيەۋگە بەرەدى، ال 14 جاسىندا قىزداردىڭ كوپشىلىگى انا اتانادى.

2-ورىن: سيريا. بۇل ەلدەگى سوعىس ايەلدەردىڭ جاعدايىن ودان سايىن تومەندەتتى. بۇل ەلدە دە ەرتە تۇرمىس قۇرۋ ءالى كۇنگە دەيىن جالعاسىپ كەلەدى. سونىمەن بىرگە ايەلدەردى سوعىس كەزىندە جانكەشتى لاڭكەس رەتىندە قولدانادى. ولاردى سوعىس كەزىندە ءتۇرلى توپتار ۇرلاپ ويىنا كەلگەنىن ىستەيدى.

1-ورىن: اۋعانستان.  بۇل ەلدەگى ايەلدەردىڭ 90%-ى فيزيكالىق، سەكسۋالدىق جانە پسيحولوعيالىق زورلىقتىڭ قۇربانى ەكەنى انىقتالعان. قىزداردى ءوز ەركىنەن تىس كۇيەۋگە بەرۋ كەڭ تارالعان. اۋعانستاندىق ايەلدەر ورتاشا ەسەپپەن العاندا 44 جىل عانا ءومىر سۇرەدى.