الماتىدا تانىمال لاۋنج-باردىڭ وكىلى ايجان بايزاقوۆاعا قاتىستى وقيعا ءۇشىن كەشىرىم سۇرادى دەپ حابارلايدى Qamshy.kz اقپارات اگەنتتىگى.
Zakova بار اتقارۋشى ديرەكتورىنىڭ ۆيدەو ۇندەۋى الەۋمەتتىك جەلىگە جاريالاندى.
«مەن Zakova باردىڭ اتقارۋشى ديرەكتورى بولامىن. ەلدى دۇرلىكتىرگەن وقيعاعا بايلانىستى قازاقستاندىقتاردان كەشىرىم سۇراعىم كەلەدى.
سونىمەن بىرگە ءبىز وسىنداي جاعداي قايتالانباس ءۇشىن قاجەتتى ءىس-شارانى وتكىزدىك. وسى وقيعاعا قاتىسى بار ادامدار جۇمىستان شىعارىلىپ، ايجان بايزاقوۆامەن ءتۇسىندىرۋ جۇمىستارى جۇرگىزىلدى. ءبىزدىڭ اكىمشىلىك تولىعىمەن اكىمشىلىك جازاعا قاتىستى ايىپپۇلدى ءوز جاۋاپكەرشىلىگىنە الدى»، - دەيدى باردىڭ اتقارۋشى ديرەكتورى.
«ءبىزدىڭ كلۋبتا وسىنداي وقيعالار قايتالانبايتىنىن مالىمدەگىم كەلەدى. سونىمەن بىرگە الماتى قالاسىنداعى بارلىق مەكەمەلەر وسى وقيعادان ساباق السىن، ءبىزدىڭ قاتەلىكتى قايتالاماسىن. تاعى دا قازاقستان حالقىنان كەشىرىم سۇرايمىن. ءبىز قازاقستاندىقتاردىڭ ار-نامىسىنا تيەتىن ارەكەت جاساعىمىز كەلمەدى»، دەپ ءسوزىن اياقتادى باردىڭ وكىلى.
