№ 1- كادرلىق شەشىم 

بۇل نوميناسيانىڭ جەڭىمپازى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى – مارات ءتاجين. ونىڭ بۇل لاۋازىمعا تاعايىندالعانىنا ءالى تولىق 1 جىل بولماسا دا، كوپشىلىككە ءتاجيننىڭ بۇل قىزمەتتى اتقارعانىنا ءبىراز ۋاقىت بولىپ قالعان سىڭايلى كورىنەدى. وعان سەبەپ تە جوق ەمەس، مارات مۇحانبەتقازى ۇلىنىڭ پرەزيدەنت اكىمشىلىگىنە كەلۋى كوپتەگەن وقيعالارعا جانە مازمۇندى دا تابىستى ءىس-شارالارعا تولى بولدى.

كوپتەگەن جىلدار شاماسىندا مارات ءتاجين بيلىكتە ايرىقشا ورىنعا يە بولعان، قوعام ومىرىندەگى ترەندتەر مەن زيالى قاۋىمنىڭ كوڭىل-كۇيىن تەرەڭ سەزىنگەن تۇلعا رەتىندە تانىلدى. ونىڭ رەسەيدەگى ەلشىلىك قىزمەتىنەن ورالۋى قازاقستاندىقتاردىڭ قوعامدىق ساناسىن رەفورمالاۋ پروسەسسىنەن باستالدى. نۇرسۇلتان نازاربايەۆتىڭ ماقالاسى وسى رەفورماتورلىق قوزعالىستىڭ باعىتىن ايقىنداپ بەردى. ءبىراق ونى جۇزەگە اسىرۋ ميسسياسىن بىرەۋ موينىنا الۋ كەرەك بولعان ەدى. وسىعان قاراعاندا، مارات ءتاجين «سانا جاڭعىرتۋدىن» ىسكە اسىرۋ كۇردەلى جولىندا نەگىزگى ءرولدى اتقاردى دەۋگە بولادى.

مارات ءتاجين مەملەكەتتى يدەولوگيالىق باعىتقا قايتا بۇرۋعا قولعابىس ەتتى دەۋگە قازىردەن اق سەنىممەن ايتۋعا نەگىز بار. ايتا كەتەرلىگى، ءتاجيننىڭ اتالمىش قىزمەتكە تاعايىندالۋى كەزىندە جەرگىلىكتى ساراپشىلار پرەزيدەنت اكىمشىلىگى–ۇكىمەت–پارلامەنت ءۇش بۇرىشى اراسىنداعى كۇردەلى قارىم-قاتىناستى رەتتەۋگە ءتاجيننىڭ تاجىريبەسىنە سۇيەنگەن. ءبىراق، بۇل باعىتتاعى ساياسي رەفورمالار ۇلكەن قازاقستاندىق ساياساتتا ناۋقان رەتىندە عانا جۇزەگە اسىپ جاتقانداي. يدەولوگيالىق سالا ءۇزىلدى كەسىلدى ءتاجيننىڭ باستى اپپاراتتىق رەسۋرسىنا اينالعان سياقتى.

ەكىنشى ءبىر اتاپ وتىلۋگە ءتيىستى نارسە، ءتاجيننىڭ قازىرگى لاۋازىمىنا ورالۋى قازاقستان ساياساتىنىڭ سيكلدى تۇردە قىزمەت اتقارۋىنىڭ جارقىن مىسالى دەپ بىلە الامىز. دانيار اشىمبايەۆ 2013 جىلعى ءتاجيننىڭ تاعايىندالۋى تۋرالى بەرگەن مىنەزدەمەسى قازىرگى كەزگە دە ساي كەلەدى: «مارات ءتاجيننىڭ بەدەلى، اقىل وي پاراساتى، ءتاسىلى يدەولوگيالىق سالاعا قاجەتتى ەكەنى ونىڭ ‘كولەنكەدە’ بولعانىڭدا وتە قاتتى سەزىلدى. بيلىك كوپتەگەن يدەولوگيالىق ۇلگىنى سىناپ كوردى، دەگەنمەن، بۇل باعىتتا جۇمىس اتقاراتىن ىقپالدى جانە تاجىريبەلى يدەولوگ-ستراتەگ باسقاراتىن بىرەگەي جۇيە كەرەك دەگەن قورىتىندىعا كەلدى. ءتاجين دەگەن – ءتاجين.

دەرەككوز: ياس