قازاقستان بانگلادەشتەگى ميانمالىق روحيندجا مۇسىلماندارىنا رەسمي گۋمانيتارلىق كومەك كورسەتۋ ءۇشىن $500 مىڭ بولەدى، جازادى Qamshy.kz اقپارات اگەنتتىگى. 

Tengrinews.kz پورتالىنىڭ مالىمەتىنشە، قاراجات 2017 جىلدىڭ بيۋدجەتىندە قازاقستان رەسپۋبليكاسى مەن وزگە مەملەكەتتەر اۋماعىنداعى تابيعي جانە تەحنولوگيالىق توتەنشە جاعدايلار قورىنان بولىنەدى. 

بۇدان بۇرىن، ريا نوۆوۆستي ءتورت ايدا ميانمانىڭ روكحاين شتاتىنان بانگلادەشكە 665 مىڭ روحيندجا قاشىپ بارعانىن مالىمدەگەن. 

"25 جەلتوقساندا بانگلادەشكە روحيندجا بوسقىندارىنىڭ كەلە باستاۋىنا ءتورت اي تولادى. سوڭعى مالىمەتتەر بويىنشا، بۇل ۋاقىتتا 665 مىڭ ادام كەلگەن. بۇل كوكس-بازارداعا جالپى روحيندا سانىنىڭ 867،5 مىڭ ادامعا جەتۋىنە اكەلدى"، - دەگەن ەدى كوشى-قون بويىنشا حالىقارالىق ۇيىمىنىڭ رەسمي وكىلى دجوەل ميللمان.

روحيندجا، ميانمانىڭ راكحاين شتاتىندا تۇرىپ جاتقان ەتنيكالىق بەنگال-مۇسىلماندارى. روحيندجا سودىرلارىنىڭ ميانمالىق شەكارا پوستارىنا جاساعان شابۋىلىنان كەيىن ەل اسكەرى كەڭ اۋقىمدى جاۋاپتى وپەراسيا سالدارىنان ولار بانگلادەشكە قاشقان.