كەزدەسۋ بارىسىندا مەملەكەت باسشىسىنا قازاقستان رەسپۋبليكاسى قارۋلى كۇشتەرىنىڭ ەلىمىزدىڭ قورعانىس قابىلەتىن نىعايتۋ مەن اسكەرىمىزدىڭ جاۋىنگەرلىك دايىندىعىن ارتتىرۋ ماسەلەلەرى بويىنشا 2017 جىلى اتقارعان جۇمىستارىنىڭ قورىتىندىسى جونىندە باياندالدى دەپ حابارلايدى Qamshy.kz اقپارات اگەنتتىگى. 

نۇرسۇلتان نازاربايەۆ ارميامىز قۇرىلعاننان بەرگى 25 جىل ىشىندە اۋماقتىق تۇتاستىعىمىزدىڭ، مەملەكەتىمىزدىڭ ەكونوميكالىق تۇرعىدان وركەندەۋى مەن بەدەلىنىڭ نىعايا ءتۇسۋىنىڭ كەپىلىنە اينالعانىن اتاپ ءوتتى.

– ءبىز بيىل مەملەكەتىمىزدىڭ اسكەري قۇرىلىمىنىڭ باعىتى مەن ونى ءارى قاراي دامىتۋدىڭ مىندەتتەرى بەلگىلەنگەن ۇلتتىق قاۋىپسىزدىك ستراتەگياسىن، اسكەري دوكترينانى، قارۋلى كۇشتەردى دامىتۋدىڭ تۇجىرىمداماسىن بەكىتتىك. وسى قۇجاتتاردى ىسكە اسىرۋ ناتيجەسىندە 2020 جىلعا قاراي قارۋلى كۇشتەرىمىزدىڭ قۋاتى اسكەرىمىزدىڭ جاۋىنگەرلىك الەۋەتىنىڭ ارتۋى ەسەبىنەن ءبىر جارىم ەسە وسۋگە ءتيىس. ارناۋلى وپەراسيالار كۇشىنىڭ مۇمكىندىكتەرى ءۇش ەسە ارتاتىن بولادى، – دەدى قازاقستان پرەزيدەنتى.

سونداي-اق، مەملەكەت باسشىسى قازاقستان رەسپۋبليكاسى قارۋلى كۇشتەرى كيبەراسكەرىنىڭ باسقارۋ پۋنكتىن ارالاپ كورىپ، اقپاراتتىق جۇيەلەردىڭ كيبەرقورعانىسىن قامتاماسىز ەتۋدىڭ قازىرگى مۇمكىندىكتەرىمەن تانىستى.

سوڭىندا نۇرسۇلتان نازاربايەۆ ەلىمىزدىڭ قارۋلى كۇشتەرىن ودان ءارى دامىتۋ جونىندە ءبىرقاتار ناقتى تاپسىرما بەردى.