استانا اكىمى اسەت يسەكەشوۆ تۇرعىنداردى جاڭا جىلدارىمەن قۇتتىقتادى، دەپ جازادى Qamshy.kz اقپارات اگەنتتىگى.
قۇرمەتتى استانالىقتار جانە قالا قوناقتارى!
سىزدەردى جاڭا 2018 جىلدارىڭىزبەن شىن جۇرەكتەن قۇتتىقتايمىن!
حالقىمىز يت جىلىن جاقسىلىقتىڭ، بەرەكە مەن تاتۋلىقتىڭ جارشىسى دەپ قابىلداعان. ءبىزدىڭ دە كەلەر جىلدان كۇتەرىمىز كوپ، وتكەن جىلعا وكپەمىز جوق. 2017 جىل استانا ءۇشىن تابىستى بولدى. ەكونوميكا، مادەنيەت، تۋريزم جانە الەۋمەتتىك سالالاردا دامۋدىڭ وڭ ديناميكاسىنا قول جەتكىزىلدى. ەكسپو كورمەسىن جوعارى دەڭگەيدە وتكىزدىك. مۇنىڭ ءبارى ەلباسىمىزدىڭ الدىمىزعا قويعان ناقتى تاپسىرمالارى مەن بارشا استانالىقتاردىڭ قاجىرلى ەڭبەگىنىڭ ارقاسى.
بۇگىندە ەلوردامىزدىڭ الاتاۋ باۋرايىنان ارقا توسىنە اۋىسقانىنا جيىرما جىل. بۇل وتكەنىمىزدى سارالاپ، كەلەشەكتى باعامدايتىن ماڭىزدى ءسات. جيىرما جىلدا استانا قالاسى ادام تانىماستاي وزگەردى. استانانى دامىتۋدىڭ ۇزاق مەرزىمدىك جوسپارى ءوز مەرزىمىندە ورىندالىپ كەلەدى. جاڭا 2018 جىل دا ەلىمىز بەن ەلوردا تاريحىندا ماڭىزدى وزگەرىستەرمەن ەستە قالادى دەپ سەنەمىن!
سىزدەرگە جاڭا جىلدا جاڭا تابىس، مول باقىت تىلەيمىن!
ىزگى نيەتپەن،
استانا قالاسىنىڭ اكىمى اسەت يسەكەشيەۆ
