ءۇندىستاندىق رەجيسسەر گيريش ماليك قىرعىزستانداعى 4 ميلليون دوللار بولىنگەن ءفيلمنىڭ تۇسىرىلىمدەرى جايىندا باياندادى. بۇل تۋرالى Sputnik قىرعىزستان حابارلادى.
بىرنەشە تانىمال فيلمدەردىڭ رەجيسسەرى گيريش ماليك قىرعىزستاندا جاساۋعا مۇمكىندىك بەرەتىن بىرنەشە جوبالاردى اتادى.
ونىڭ ورتالىق ازيادا تۇسىرگەن ءفيلمى بالا تاربيەسى مەن بىلىمىنە ارنالادى. فيلمگە بولليۆۋدتىڭ بىرنەشە جۇلدىزدارىمەن قاتار، قىرعىزستاننىڭ اكتەرلەرى ءتۇستى. ءارى رەجيسسەر قىرعىز اكتەرلەرىنە ءتانتى بولعانىن جاسىرمادى. سونىمەن قوسا، ەلەگى ءدىننىڭ الاتىن ورنى ەرەكشە ەكەنىنە كوزى جەتكەن. تابيعي سۇلۋلىقتان بولەك، مەشىتتەر مەن زيراتتار رەجيسسەردىڭ كوزىنە وتتاي باسىلعان كورىنەدى.
قىرعىز قىزدارى جايىندا دا ءسوز قوزعادى. العاش كەزدەستىرگەن قىرعىز ارۋى ءۇندىستانداعى قىرعىزستان ەلشىلىگىنىڭ قىزمەتكەرى بولىپ شىققان. رەجيسسەر قىزدىڭ سۇلۋلىعىنا، كوركىنە، اقىلىنا ەرەكشە ءتانتى بولىپ، ونى كورگەندەگى اسەرىن بايانداپ بەردى.
